દિલ્હીમાં વિધાનસભાની ચૂંટણી નજીક છે. આપના રાષ્ટ્રીય સંયોજક અરવિંદ કેજરીવાલ દિલ્હીના લોકો માટે સતત મોટી ચૂંટણીની જાહેરાતો કરી રહ્યા છે. ફરી એકવાર અરવિંદ કેજરીવાલે વધુ એક ચૂંટણી વચન આપ્યું છે. કેજરીવાલે કહ્યું કે અમે દિલ્હીમાં ૨૪ કલાક ચોખ્ખું પાણી આપીશું. પ્લાન્ટ લગાવીને એમોનિયા દૂર કરવામાં આવશે. ત્યાં અઢી હજાર ટ્યુબવેલ નાખવામાં આવશે.
અરવિંદ કેજરીવાલે કહ્યું કે રાજેન્દ્ર નગર વિધાનસભાની કોલોનીમાં આજથી ૨૪ કલાક પાણી પુરવઠો શરૂ થઈ રહ્યો છે. તે ટૂંક સમયમાં સમગ્ર દિલ્હીમાં શરૂ કરવામાં આવશે. આ પહેલા પણ કેજરીવાલ ત્રણ મોટી જાહેરાત કરી ચુક્યા છે.
બૂસ્ટર પમ્પીંગ સ્ટેશનના ઉદ્ઘાટન બાદ અરવિંદ કેજરીવાલ અને દિલ્હીના સીએમ આતિશી રાજેન્દ્ર નગરના પાંડવ નગરમાં ડીડીએ ફ્લેટના સ્થાનિક નિવાસસ્થાને પહોંચ્યા હતા. જ્યાં પાણીની ગુણવત્તા તપાસવા માટે અરવિંદ કેજરીવાલે સીધું નળમાંથી પાણી પીધું અને કહ્યું કે આ પાણી સ્વચ્છ છે. ગયા મંગળવારે, અરવિંદ કેજરીવાલે દિલ્હીમાં મહિલા સન્માન યોજના અને સંજીવની યોજના માટે નોંધણી શરૂ કરી. મુખ્યમંત્રી આતિશી અને આપ કન્વીનર અરવિંદ કેજરીવાલે સોમવારે પૂર્વ કિડવાઈ નગરથી મહિલા સન્માન રાશિ યોજના માટે નોંધણી શરૂ કરી. આ યોજના હેઠળ મહિલાઓને દર મહિને ૨,૧૦૦ રૂપિયા આપવામાં આવશે. તેવી જ રીતે, ૬૦ વર્ષથી વધુ વયના વૃદ્ધોની મફત સારવાર માટે સંજીવની યોજના માટે નોંધણી પણ જંગપુરાથી શરૂ થઈ.
દિલ્હી વિધાનસભા ચૂંટણી પહેલા આમ આદમી પાર્ટીએ દલિત સમુદાય માટે મોટી જાહેરાત કરી છે. આપના રાષ્ટ્રીય સંયોજક અરવિંદ કેજરીવાલે ડા. આંબેડકર સન્માન શિષ્યવૃત્તિ યોજનાની જાહેરાત કરી હતી. આ પહેલા પણ આપે ઘણી લોકશાહી યોજનાઓની જાહેરાત કરી છે. જેમાં વૃદ્ધો માટે સંજીવની યોજના અને ઓટો ચાલકોને પાંચ મોટી ગેરંટી, મહિલા સન્માન યોજના વગેરેનો સમાવેશ થાય છે.
સંજીવની યોજના હેઠળ નોંધણી કરાવનારા વૃદ્ધોને મફત સારવાર મેળવવાનું બીજું સુરક્ષા કવચ મળ્યું છે. આપના રાષ્ટ્રીય સંયોજક અરવિંદ કેજરીવાલે ભૂતપૂર્વ નાયબ મુખ્ય પ્રધાન મનીષ સિસોદિયા અને મુખ્ય પ્રધાન આતિશી સાથે જંગપુરા વિધાનસભામાં વૃદ્ધોની નોંધણી કરીને તેની શરૂઆત કરી હતી. કેજરીવાલે કહ્યું કે સંજીવની યોજના હેઠળ ૬૦ વર્ષથી વધુ ઉંમરના વૃદ્ધોની સારવારનો સંપૂર્ણ ખર્ચ દિલ્હી સરકાર ઉઠાવશે. મહિલા સન્માન રાશિ અને સંજીવની યોજનાને લઈને લોકોમાં ભારે ઉત્સાહ જોવા મળી રહ્યો છે. કેજરીવાલે કહ્યું કે દિલ્હીમાં મોટી સંખ્યામાં વૃદ્ધો છે. નોંધણી કરાવનાર તમામને તેનો લાભ મળશે. તેમણે કહ્યું કે દિલ્હીની સરકારી હોસ્પિટલોમાં તમામ સારવાર મફત છે, પરંતુ સંજીવની યોજના હેઠળ વૃદ્ધ લોકો ખાનગી હોસ્પિટલોમાં પણ તેમની સારવાર મફતમાં કરાવી શકે છે.જયારે ઓટો ડ્રાઇવરો માટે પાંચ મોટી ગેરંટી આપી છે તેમાં • દરેક ડ્રાઇવર માટે રૂ. ૧૦ લાખ સુધીનો જીવન વીમો અને રૂ. ૫ લાખનો અકસ્માત વીમો.• દીકરીના લગ્નમાં રૂ. ૧ લાખની સહાય • વર્ષમાં બે વાર યુનિફોર્મ માટે રૂ. ૨૫૦૦ • સરકાર બાળકોને સ્પર્ધાત્મક પરીક્ષાઓની તૈયારી માટે કોચિંગનો ખર્ચ ઉઠાવશે.
અરવિંદ કેજરીવાલે મહિલાઓ માટે મહિલા સન્માન યોજનાની જાહેરાત કરી હતી. આ યોજના હેઠળ સરકાર લાયક મહિલાઓના ખાતામાં દર મહિને એક હજાર રૂપિયા મોકલશે. સાથે જ કેજરીવાલે ચૂંટણી બાદ મહિલાઓને ૧૦૦૦ રૂપિયાના બદલે ૨૧૦૦ રૂપિયા આપવાની વાત પણ કરી હતી. કેજરીવાલનો દાવો છે કે જો ફરી આપની સરકાર બનશે તો આ રકમ વધારીને ૨૧૦૦ રૂપિયા કરવામાં આવશે. અરવિંદ કેજરીવાલના જણાવ્યા અનુસાર, ગયા માર્ચ મહિનામાં દરેક મહિલાના ખાતામાં દર મહિને કેટલાક પૈસા જમા કરાવવાનું વચન આપવામાં આવ્યું હતું. ૧૮ વર્ષથી ઉપરની દરેક મહિલાને આ યોજનાનો લાભ મળશે. આ માટે મહિલાઓએ રજીસ્ટ્રેશન કરાવવાનું રહેશે. નોંધણી કરાવનાર મહિલાઓને દર મહિને તેમના ખાતામાં પૈસા મળવાનું શરૂ થશે.
આપ કન્વીનરે કહ્યું કે જ્યારે દિલ્હીમાં અમારી સરકાર બની ત્યારે ૮ કલાકનો પાવર કટ હતો અને વીજળી જતી રહી હતી. મેં કહ્યું હતું કે હું ૨૪ કલાક વીજળી આપીશ, હવે વીજળી ૨૪ કલાક આવે છે. હવે મારો ઉદ્દેશ એ સુનિશ્ચિત કરવાનો છે કે તમને તમારા નળમાંથી ચોવીસ કલાક શુધ્ધ પાણી મળે. ૨૦૨૦ની ચૂંટણીમાં, મેં લોકોને વચન આપ્યું હતું કે અમે ૨૦૨૫ સુધીમાં આખી દિલ્હીમાં ૨૪ કલાક ચોખ્ખું પાણી પહોંચાડીશું, પરંતુ તેમાં થોડો વિલંબ થયો છે કારણ કે કોરોનાનું આગમન અઢી વર્ષ થયું છે. ત્યાર બાદ બે-અઢી વર્ષ સુધી અમારી ટીમ નકલી કેસમાં વેરવિખેર થઈ ગઈ. ક્યારેક મનીષ સિસોદિયા જેલમાં છે, સત્યેન્દ્ર જૈન જેલમાં છે, તો ક્યારેક હું જેલમાં છું. હવે તે તમામ બાબતો સાથે વ્યવહાર કરવામાં આવ્યો છે.
તેમણે કહ્યું કે, ‘કેજરીવાલ જે કહે છે તે કરે છે, હું કોઈ ચૂંટણીના નારા નથી લગાવતો.
આજથી ૨૪ કલાક પાણી આપવાનું શરૂ કરવામાં આવ્યું છે. આ કરવામાં આવ્યું છે અને બતાવવામાં આવ્યું છે. પાણી આખી દિલ્હીમાં જશે અને પાણીની અછત નહીં રહે. હવે અમે ૨૪ કલાક પાણી આપીશું, ૨૧૦૦ રૂપિયા પણ આપીશું, સંજીવની યોજના પણ આપીશુંપ અને જે લોકો કહે છે કે કેજરીવાલ જુઠ્ઠુ બોલી રહ્યા છે તો તેમની વાત ન સાંભળો, આ લોકો જુઠ્ઠુ બોલે છે
