ઉત્તરપૂર્વ જાપાનમાં શનિવારે સવારે ૫.૧-ની તીવ્રતાનો ભૂકંપ આવ્યો હતો અને મિયાગી અને ફુકુશિમા પ્રીફેક્ચર્સમાં તીવ્ર આંચકા અનુભવાયા હતા, પરંતુ સુનામીની કોઈ ચેતવણી જારી કરવામાં આવી ન હતી, જાપાનની હવામાન એજન્સીએ શનિવારે સવારે ૪ઃ૧૦ વાગ્યે જણાવ્યું હતું કે ભૂકંપની તીવ્રતા ૪.૧૦ હતી. જાપાનીઝ સિસ્મિક ઇન્ટેન્સીટી સ્કેલ પર ૪ પર માપવામાં આવ્યું, જે બે પ્રીફેક્ચરના ભાગોમાં ૭ હતું. ભૂકંપમાં કોઈ ઈજાઓ કે મોટા નુકસાનના તાત્કાલિક અહેવાલો નથી.
યુટિલિટી ફર્મ્સના જણાવ્યા અનુસાર, ભૂકંપ પછી આ વિસ્તારના ન્યુકલીયર પાવર પ્લાન્ટ્સમાં કોઈ અસામાન્યતા જોવા મળી નથી. આ ભૂકંપ ફુકુશિમા પ્રીફેક્ચરમાં લગભગ ૪૦ કિલોમીટરની ઊંડાઈએ આવ્યો હતો, તમને જણાવી દઈએ કે, માર્ચ ૨૦૧૧માં આ જ ક્ષેત્રના ઘણા વિસ્તારોમાં ૯.૦ની તીવ્રતાના ભૂકંપ અને સુનામીના કારણે તબાહી મચી ગઈ હતી. તે જ સમયે, જર્મન રિસર્ચ સેન્ટર ફોર જીઓસાયન્સીસએ જણાવ્યું કે ફિલિપાઈન્સના મિંડાનાઓ ટાપુ પર શનિવારે ૫.૭ની તીવ્રતાનો ભૂકંપ આવ્યો હતો.જીએફઝેડએ જણાવ્યું હતું કે ભૂકંપ ૧૦ કિમી (૬ માઇલ) ની ઊંડાઇએ હતો.
