અમરેલીના હ્યુમન રાઈટ્સ પ્રોટેક્શન સેલ દ્વારા શાંતાબેન હરિભાઈ ગજેરા કેમ્પસ ખાતે આજે મહિલાઓ માટે વિશેષ જાગૃતિ સેમિનારનું આયોજન કરવામાં આવ્યું હતું. આ સેમિનારમાં હ્યુમન રાઈટ્સ (માનવ અધિકારો) અંગે વિસ્તૃત માહિતી આપવામાં આવી હતી. આ કાર્યક્રમમાં સેલના જિલ્લા પ્રમુખ પથીકાબેન, ભાનુબેન અને વૃષ્ટીબેન કાનપરિયા તેમજ નેન્સીબેન સાજીયા ઉપસ્થિત રહ્યા હતા, જેમણે મહિલાઓને તેમના અધિકારો, સમાજમાં તેમની સુરક્ષા માટેની
જાગૃતિ અને જાતીય ભેદભાવ સામે લડવા માટે ઉપલબ્ધ કાયદાકીય મદદ વિશે માહિતી આપી હતી. સેમિનારમાં મુખ્યત્વે મહિલાઓના માનવ અધિકારો, ઘરેલુ હિંસા, મહિલાઓ માટેના સરકારી કાયદા અને સહાય યોજના, માનસિક આરોગ્ય અને આત્મવિશ્વાસ વધારવા માટેના પગલાં જેવી વિવિધ વિષયો પર વિસ્તૃત ચર્ચા કરવામાં આવી હતી. આ સેમિનારમાં નિવાસી બહેનો અને અન્ય હાજર મહિલાઓએ ઉત્સાહપૂર્વક ભાગ લીધો હતો. પ્રોફેશનલ એક્સપર્ટ દ્વારા માહિતી આપવામાં આવી હતી.
