અમરેલી જિલ્લાના અમરેલી-કુંકાવાવ વિસ્તારમાં શિક્ષણની ગુણવત્તા વધારવા માટે સરકાર દ્વારા નોંધપાત્ર પ્રયાસો કરવામાં આવી રહ્યા છે. આ દિશામાં એક મહત્વપૂર્ણ પગલું ભરતા, વિધાનસભાના નાયબ દંડક કૌશિકભાઈ વેકરીયાએ શુક્રવારે કુંકાવાવ ગામની વર્ષો જૂની પે-સેન્ટર કન્યા શાળા-૨ નું ખાતમૂહર્ત કર્યું હતું. આ કાર્ય માટે અંદાજે ૯૧.૫૦ લાખ રૂપિયાનો ખર્ચ કરવામાં આવશે. નવીનીકરણમાં ૭ નવા કલાસરૂમ, મધ્યાહન ભોજન શેડ, સેનીટેશન સુવિધા અને કમ્પાઉન્ડ વોલ જેવી સુવિધાઓ ઉમેરવામાં આવશે. આ નવીનીકરણ બાદ શાળામાં વિદ્યાર્થીઓને ઉચ્ચ કક્ષાની શૈક્ષણિક સુવિધાઓ મળશે. અમરેલી-કુંકાવાવ વિસ્તારમાં શિક્ષણની ગુણવત્તા સુધારવા માટે સરકાર દ્વારા અનેક પગલાં લેવામાં આવી રહ્યા છે. આ વિસ્તારમાં રૂ. ૧૨.૫ કરોડથી વધુના ખર્ચે પ્રાથમિક શાળાઓના ઓરડાઓનું નવીનીકરણ કરવામાં આવી રહ્યું છે. તાજેતરમાં જ વડીયા ખાતે ૮૩ લાખના ખર્ચે મોંઘીબા કન્યા પ્રાથમિક શાળાનું નવીનીકરણ કાર્ય પણ શરૂ કરવામાં આવ્યું હતું.
