જમ્મુ અને કાશ્મીરના પહેલગામમાં થયેલા આતંકવાદી હુમલા બાદ કેન્દ્ર સરકારે આજે સર્વપક્ષીય બેઠક બોલાવી હતી. તેની અધ્યક્ષતા સંરક્ષણ પ્રધાન રાજનાથ સિંહ કરી હતી, આ બેઠક પહેલા કેન્દ્રીય ગૃહમંત્રી અમિત શાહ અને વિદેશ મંત્રી ડા. એસ. જયશંકરે રાષ્ટ્રપતિ દ્રૌપદી મુર્મુને મળ્યા હતા. સર્વપક્ષીય બેઠક પહેલા અમિત શાહ અને વિદેશ મંત્રી જયશંકરની આ મુલાકાત ખૂબ જ મહત્વપૂર્ણ માનવામાં આવી રહી છે.
સૂત્રોના જણાવ્યા અનુસાર, ગૃહમંત્રી અમિત શાહ અને વિદેશમંત્રી એસ. જયશંકરે રાષ્ટ્રપતિ દ્રૌપદી મુર્મુને મળ્યા અને તેમને પહેલગામ આતંકવાદી હુમલા વિશે માહિતી આપી.
જમ્મુ અને કાશ્મીરના પહેલગામમાં થયેલા આતંકવાદી હુમલા બાદ, પીએમ મોદીની અધ્યક્ષતામાં સુરક્ષા પરની કેબિનેટ સમિતિએ અનેક મહત્વપૂર્ણ નિર્ણયો લીધા છે. આમાં, પાકિસ્તાન સાથેની સિંધુ જળ સંધિ તાત્કાલિક અસરથી સ્થગિત કરવામાં આવી છે. અટારી બોર્ડર પણ બંધ કરી દેવામાં આવી છે. જ્યારે ભારતમાં રહેતા પાકિસ્તાની નાગરિકોને ૪૮ કલાકની અંદર ભારત છોડવાનો આદેશ આપવામાં આવ્યો છે. આ સાથે, પાકિસ્તાની રાજદ્વારીઓને ભારત છોડવાનો આદેશ આપવામાં આવ્યો છે. આ સાથે, સેનાને હાઈ એલર્ટ પર રહેવાની સૂચના આપવામાં આવી છે.
૨૨ એપ્રિલના રોજ, જમ્મુ અને કાશ્મીરના પહેલગામમાં, આતંકવાદીઓએ બૈસરનના ઘાસના મેદાનોમાં રજાઓ ગાળી રહેલા લોકો પર અચાનક ગોળીબાર શરૂ કરી દીધો. પ્રત્યક્ષદર્શીઓ અને મૃતકોના સંબંધીઓએ જણાવ્યું કે આતંકવાદીઓએ દરેકને તેમના નામ પૂછ્યા અને પછી લોકોને કલમાનો પાઠ કરવાનું કહ્યું. જે પ્રવાસીઓ કલમાનો પાઠ કરી શકતા હતા અને હિન્દુ ધર્મ સાથે જાડાયેલા હતા તેમને આતંકવાદીઓએ સ્થળ પર જ ગોળી મારી દીધી હતી. આ આતંકવાદી હુમલામાં કુલ ૨૬ લોકોના મોત થયા છે. જ્યારે આમાં ૨૦ થી વધુ લોકો ઘાયલ થયા છે.
