આઇસીસી દ્વારા નવી રેન્કિંગ બહાર પાડવામાં આવી છે. આ વખતે ટોચના બેટ્સમેનોમાં કોઈ ફેરફાર થયો નથી, પરંતુ ભારતીય ટીમના સ્ટાર બેટ્સમેન અને વિકેટકીપર ઋષભ પંતને એક મોટો ઝટકો લાગ્યો છે. ફરી એકવાર તે ટોપ ૧૦ માંથી બહાર થવાની નજીક છે. તેને પાકિસ્તાની ખેલાડીએ પાછળ છોડી દીધો છે, જેણે એક જ વારમાં ત્રણ સ્થાનનો કૂદકો માર્યો છે.
આ વર્ષના ટેસ્ટ રેન્કિંગ પહેલા પાકિસ્તાન અને વેસ્ટ ઇન્ડીઝ વચ્ચે એક ટેસ્ટ મેચ રમાઈ હતી. મેચ કંટાળાજનક રહી અને ત્રણ દિવસમાં જ સમાપ્ત થઈ ગઈ, પરંતુ તેના કારણે આઇસીસી ટેસ્ટ રેન્કિંગમાં કેટલાક ફેરફારો થયા. હાલમાં, ઇંગ્લેન્ડના જા રૂટ આઇસીસી ટેસ્ટ રેન્કિંગમાં પોતાનું નંબર વન સ્થાન જાળવી રાખ્યું છે. તેમનું રેટિંગ ૮૯૫ છે. હેરી બ્રુક અને કેન વિલિયમસન પણ રેન્કિંગમાં પ્રભુત્વ જાળવી રાખે છે.
આઇસીસી ટેસ્ટ રેન્કિંગમાં ઇંગ્લેન્ડના હેરી બ્રુક બીજા ક્રમના બેટ્સમેન છે. તેમનું રેટિંગ ૮૭૬ છે. ન્યૂઝીલેન્ડનો કેન વિલિયમસન ત્રીજા નંબર પર યથાવત છે. તેમનું રેટિંગ ૮૬૭ છે. ભારતના યશસ્વી જયસ્વાલ ૮૪૭ ના રેટિંગ સાથે ચોથા ક્રમે અને ટ્રેવિસ હેડ ૭૭૨ ના રેટિંગ સાથે પાંચમા ક્રમે યથાવત છે.
દક્ષિણ આફ્રિકાના કેપ્ટન ટેમ્બા બાવુમા પણ છઠ્ઠા ક્રમે યથાવત છે. તેમનું રેટિંગ ૭૬૯ છે. શ્રીલંકાના કામેન્દુ મેÂન્ડસ ૭૫૯ ના રેટિંગ સાથે ૭મા ક્રમે છે. પરંતુ હવે આઠમા ક્રમે પાકિસ્તાનના સઈદ શકીલ છે. જે હવે આઇસીસી ટેસ્ટ રેન્કિંગમાં ત્રણ સ્થાનનો કૂદકો મારીને અહીં પહોંચી ગયો છે. તેમનું રેટિંગ હવે વધીને ૭૫૩ થઈ ગયું છે. તેણે પાકિસ્તાન વિરુદ્ધ વેસ્ટ ઇન્ડીઝ મેચમાં સારી બેટિંગ કરી, જેનો તેને ફાયદો થયો.
સઈદ શકીલની આગળ વધવાથી સ્ટીવ સ્મિથ અને ઋષભ પંતને સીધું નુકસાન થયું છે. સ્ટીવ Âસ્મથ હવે એક સ્થાન નીચે ઉતરીને ૯મા ક્રમે આવી ગયો છે. તેમનું રેટિંગ ૭૪૬ છે, જ્યારે ઋષભ પંત પણ એક સ્થાન નીચે સરકી ગયા છે અને ૭૩૯ રેટિંગ સાથે ૧૦મા ક્રમે પહોંચી ગયા છે. જાકે, તે ટોચના ૧૦ માંથી બહાર થવાથી માંડ માંડ બચી ગયો. એટલું જ નહીં, ન્યુઝીલેન્ડના ડેરિલ મિશેલને પણ એક સ્થાનનું નુકસાન થયું છે, તે હવે ટોપ ૧૦માંથી બહાર થઈ ગયો છે અને સીધો ૧૧મા ક્રમે પહોંચી ગયો છે. તેમનું રેટિંગ ૭૨૫ પર ચાલી રહ્યું છે.
