આજે નાગેશ્રીમાં વિંદ્યાવાસીની માતાજીનો ૧૮મો પાટ મહોત્સવ યોજાશે. આ અવસરે અનેક પ્રસિધ્ધ કલાકારો અને સંતો મહંતો હાજર રહી આ વિશાળ કાર્યક્રમને
સાંસ્કૃતિક ધરોહરમાં જોડશે. આજે રાત્રે, ગુજરાતનાં જાણીતા કલાકારો જેમકે પરેશદાન ગઢવી, ઉદયભાઈ ધાધલ અને ભરતભાઈ બોરીચા દ્વારા લોકડાયરાનું આયોજન થશે. આ પ્રસંગના રામાણી વરૂ પરિવાર યજમાન હશે. આ કાર્યક્રમમાં પધારનારા વિશેષ મહેમાનોમાં અખિલ ભારતીય નિરમોહી અખાડાનાં રાષ્ટ્રીય અધ્યક્ષ શ્રી રાજેન્દ્રદાસ બાપુ, ગરાળ ભુતડા દાદા આશ્રમથી શ્રી અમરગીરી બાપુ, અંબિકા આશ્રમ સાંગાણાથી શ્રી રમજુ બાપુ અને અનેક સંતો મહંતો, રાજકીય તેમજ સામાજિક આગેવાનો અને શ્રદ્ધાળુઓ ઉપસ્થિત રહેશે. આ કાર્યક્રમને ખૂબ જ મહત્વ આપવામાં આવ્યું છે. આ ભવ્ય પાટ મહોત્સવ નાગેશ્રી મંગળુભાઈ નનકુંભાઈ વરુની વાડીમાં યોજાશે.
