શું તમારા ઘરમાં પણ વીજળી જાય છે અને તમને ચિંતા થાય છે કે વીજળી કેમ ગઈ? પરંતુ આ વખતે, દેશના તમામ ઐતિહાસિક સ્થળોએ વીજળી ગુલ થઈ ગઈ છે, અને આ જાણી જાઈને કરવામાં આવ્યું છે. શનિવારે સાંજે દિલ્હી સહિત દેશભરના પ્રખ્યાત ઐતિહાસિક સ્થળોનો વીજળી પુરવઠો બંધ થઈ ગયો હતો.
જા તમે વિચારી રહ્યા છો કે દેશના ઐતિહાસિક સ્થળોનો વીજ પુરવઠો કેમ બંધ કરવામાં આવ્યો, તો અમે તમને જણાવી દઈએ કે આ ડબ્લ્યુડબ્લ્યુએફ ભારતના અર્થ અવર સેલિબ્રેશન ૨૦૨૫ હેઠળ કરવામાં આવ્યું છે. ઉજવણીના ભાગ રૂપે, શનિવારે સાંજે ઇન્ડિયા ગેટ, લાલ કિલ્લો, રાષ્ટ્રપતિ ભવન, વિક્ટોરિયા મેમોરિયલ, છત્રપતિ શિવાજી મહારાજ ટર્મિનલ સહિત દેશભરના અનેક ઐતિહાસિક સ્થળોએ લાઇટો બંધ કરવામાં આવી હતી.
જારી કરાયેલા એક નિવેદન અનુસાર, આ વર્ષે અર્થ અવરનો ૧૯મો સંસ્કરણ વિશ્વ જળ દિવસ સાથે એકરુપ હતો. આ પ્રસંગે આયોજિત કાર્યક્રમમાં, સંગીતકાર અને ઉઉહ્લ-ઇન્ડિયા હોપ એન્ડ હાર્મની એમ્બેસેડર શાંતનુ મોઇત્રાએ ગંગા નદીની ૨,૭૦૦ કિમીની યાત્રાથી પ્રેરિત સંગીતમય પ્રદર્શનથી શ્રોતાઓને મંત્રમુગ્ધ કર્યા. શનિવારે દિલ્હીમાં અર્થ અવર દરમિયાન રાત્રે ૮.૩૦ થી ૯.૩૦ વાગ્યા સુધી બિન-આવશ્યક વિદ્યુત ઉપકરણો બંધ કરીને લગભગ ૨૬૯ મેગાવોટ વીજળી બચાવી.
અર્થ અવર એ વીજળી બચાવવા માટેનું એક અભિયાન છે, આ ઉપરાંત, આ અભિયાનનો ઉદ્દેશ્ય એ છે કે લોકો તેમના રોજિંદા જીવનમાં નાના ફેરફારો કરે, જેનો વિશ્વ પર મોટો પ્રભાવ પડશે. આમાં પાણીની બચત, સિંગલ-યુઝ પ્લાસ્ટિકનો ઉપયોગ ઘટાડવો અને ગ્રીનહાઉસ ગેસ ઉત્સર્જન ઘટાડવાનો સમાવેશ થાય છે. પૃથ્વી બચાવવાના આ અભિયાનને સમગ્ર વિશ્વમાં પ્રશંસા મળી રહી છે. તમને જણાવી દઈએ કે બીએસઇએસએ કહ્યું હતું કે ગયા વર્ષે દિલ્હીમાં અર્થ અવર દરમિયાન ૨૦૬ મેગાવોટ વીજળીની બચત થઈ હતી, જેમાં બીએસઇએસ ક્ષેત્રનું યોગદાન ૧૩૦ મેગાવોટ હતું.
