આઇપીએલ ૨૦૨૫ ની ૪૧મી મેચમાં, મુંબઈ ઈન્ડિયન્સે સનરાઈઝર્સ હૈદરાબાદને ૭ વિકેટથી હરાવ્યું. આ મેચમાં હૈદરાબાદના ફાસ્ટ બોલર જયદેવ ઉનડકટે એક ખાસ સિદ્ધિ હાંસલ કરી. તેણે રાયન રિક્લટનની વિકેટ લઈને આઈપીએલમાં તેની ૧૦૦મી વિકેટ લીધી. આ સાથે તેણે એક એવો રેકોર્ડ બનાવ્યો જે કોઈ પણ બોલર હાંસલ કરવા માંગશે નહીં. ઉનડકટે આઇપીએલમાં સૌથી વધુ ઈનિંગ્સમાં ૧૦૦ વિકેટો પૂર્ણ કરવાનો રેકોર્ડ પોતાના નામે કર્યો છે.
તમને જણાવી દઈએ કે જયદેવ ઉનડકટ ૨૦૧૦ થી આઇપીએલમાં રમી રહ્યા છે. તેમણે ૧૦૭ મેચની ૧૦૬ ઇનિંગ્સમાં ૧૦૦ આઇપીએલ વિકેટ પૂર્ણ કરી. અગાઉ આ અનિચ્છનીય રેકોર્ડ ઝડપી બોલર વિનય કુમારના નામે હતો. તેણે આઈપીએલમાં ૧૦૧ ઇનિંગ્સમાં ૧૦૦ વિકેટ પૂર્ણ કરી. જ્યારે આન્દ્રે રસેલે ૧૦૦ આઈપીએલ ઇનિંગ્સમાં ૧૦૦ વિકેટ પૂર્ણ કરી. ભારતીય ફાસ્ટ બોલર ઉમેશ યાદવે ૯૯ ઇનિંગ્સમાં ૧૦૦ વિકેટ અને ઝહીર ખાને ૯૮ ઇનિંગ્સમાં ૧૦૦ વિકેટ પૂર્ણ કરી.
જયદેવ ઉનડકટના આઇપીએલ કારકિર્દી વિશે વાત કરીએ તો, તે આ લીગમાં ૮ ટીમો માટે રમી ચૂક્યો છે. તેણે અત્યાર સુધીમાં ૧૦૭ આઈપીએલ મેચ રમી છે, જેમાં તેણે ૩૨.૩૦ ની સરેરાશ અને ૮.૯૬ ના ઇકોનોમી રેટથી ૧૦૦ વિકેટ લીધી છે. જોકે આ સિઝનમાં તેને વધારે તકો મળી નથી. આઇપીએલ ૨૦૨૫ માં, તેને અત્યાર સુધી ફક્ત બે મેચ રમવાની તક મળી છે, જ્યાં તે અત્યાર સુધી ફક્ત ૧ વિકેટ લઈ શક્યો છે. આવી સ્થિતિમાં, જો તેને આગામી મેચોમાં તક મળે, તો તે સારું પ્રદર્શન કરીને ટીમને જીત અપાવવામાં મદદ કરવા માંગશે.
આઇપીએલ ૨૦૨૫ માં સનરાઇઝર્સ હૈદરાબાદનું પ્રદર્શન પણ સારું રહ્યું નથી. ટીમે અત્યાર સુધીમાં ૮ મેચ રમી છે, જેમાંથી તેઓ ફક્ત ૨ જીતી શક્યા છે અને ૬ હાર્યા છે. હવે ટીમ માટે અહીંથી પ્લેઓફ સુધીની સફર કરવી અત્યંત મુશ્કેલ બની ગઈ છે. હૈદરાબાદની ટીમ ૪ પોઈન્ટ સાથે પોઈન્ટ ટેબલમાં ૯મા સ્થાને છે. જા એસઆરએચને અહીંથી પ્લેઓફમાં પહોંચવું હોય, તો તેમને બાકીની બધી ૬ મેચ જીતવી પડશે, જે તેમના માટે સરળ રહેશે નહીં.
