કોંગ્રેસે દિલ્હીના પૂર્વ મુખ્યમંત્રી અરવિંદ કેજરીવાલ સામે આગામી દિલ્હી વિધાનસભા ચૂંટણી માટે પોતાના ઉમેદવારનું નામ જાહેર કર્યું છે. કાંગ્રેસે સંદીપ દીક્ષિતને નવી દિલ્હીથી અરવિંદ કેજરીવાલ સામે મેદાનમાં ઉતાર્યા છે, જે હાઈપ્રોફાઈલ સીટમાંથી એક છે. સંદીપ દીક્ષિત દિલ્હીના ભૂતપૂર્વ મુખ્યમંત્રી અને કોંગ્રેસના નેતા સ્વર્ગસ્થ શીલા દીક્ષિતના પુત્ર છે, જે ૨૦૧૩ની દિલ્હી વિધાનસભા ચૂંટણીમાં કેજરીવાલ સામે હારી ગયા હતા.
કેજરીવાલ સામે કોંગ્રેસમાંથી સંદીપ દીક્ષિતને ટિકિટ મળ્યા બાદ હવે સવાલ ઉઠી રહ્યો છે કે શું સંદીપ તેની સ્વર્ગસ્થ માતાની હારનો બદલો લઈ શકશે? ૨૦૧૩ની દિલ્હી વિધાનસભા ચૂંટણીમાં, અરવિંદ કેજરીવાલે તત્કાલિન મુખ્યમંત્રી શીલા દીક્ષિતને હરાવીને ચૂંટણીના રાજકારણમાં શાનદાર પદાર્પણ કર્યું હતું. કેજરીવાલની આ જીતથી કોંગ્રેસ પાર્ટીને મોટો ફટકો પડ્યો અને મુખ્યમંત્રી તરીકે શીલા દીક્ષિતની લોકપ્રિયતા ઓછી થઈ ગઈ. જો કે, શીલા દીક્ષિતે ૨૦૧૫માં ફરી ચૂંટણી લડી હતી, પરંતુ આ વખતે દિલ્હીમાં આપની લહેર ખૂબ જ મજબૂત હતી અને કેજરીવાલના નેતૃત્વમાં આપએ જંગી બહુમતી મેળવી હતી.
૨૦૧૩ની ચૂંટણીમાં જીત સાથે, નેતા તરીકે અરવિંદ કેજરીવાલનો ગ્રાફ સતત વધતો ગયો. જો કે, થોડા મહિના પહેલા તેઓ એવા વિવાદોમાં ફસાયા હતા કે તેમણે દિલ્હીના મુખ્યમંત્રી પદ પરથી રાજીનામું આપવું પડ્યું હતું. આગામી વિધાનસભાની ચૂંટણી જીતવા માટે કેજરીવાલે ફરી એકવાર જોરશોરથી તૈયારીઓ શરૂ કરી દીધી છે. દિલ્હી ચૂંટણી માટે આમ આદમી પાર્ટીએ અત્યાર સુધીમાં ઉમેદવારોની બે યાદી જાહેર કરી છે. છછઁએ પહેલા ૧૧ અને બીજામાં ૨૦ ઉમેદવારોની જાહેરાત કરી છે.
દરમિયાન કોંગ્રેસે પણ પ્રથમ યાદી બહાર પાડીને ૨૧ ઉમેદવારોને ટિકિટ આપી છે. તમને જણાવી દઈએ કે કોંગ્રેસ અને આપ ચૂંટણી પહેલા ગઠબંધન પર વિચાર કરી રહ્યા હતા, પરંતુ અરવિંદ કેજરીવાલ અને યાદવ સહિત બંને પક્ષોના ટોચના નેતાઓ ખુલ્લેઆમ કહી રહ્યા છે કે તેઓ દિલ્હીની ચૂંટણી એકલા લડશે અને કોઈ ગઠબંધન કરશે નહીં. દિલ્હી ચૂંટણી માટે આમ આદમી પાર્ટીએ અત્યાર સુધીમાં ૩૧ ઉમેદવારોના નામની જાહેરાત કરી છે.
