પ્રયાગરાજમાં મહાકુંભમાં મૌની અમાવસ્યા પર થયેલી ભાગદોડમાં ઘણા લોકો માર્યા ગયા હતા અને ૬૦ થી વધુ લોકો ઘાયલ થયા હતા. આ ઘટનાને ચાર દિવસ વીતી ગયા છે અને લોકો હજુ પણ પોતાના પ્રિયજનોની શોધમાં હોસ્પિટલથી શબઘર સુધી ભટકતા રહે છે. આ દરમિયાન, એક ચોંકાવનારી તસવીર જાવા મળી છે જ્યાં કુદરતી મૃત્યુ જાહેર કર્યા પછી મૃતદેહો સોંપવામાં આવી રહ્યા છે.
કુંભમાં માર્યા ગયેલા લોકોના પરિવારોને પોલીસ એવું લખવા માટે દબાણ કરી રહી છે કે આ કુદરતી મૃત્યુ હતું અને તેઓ મૃતદેહો પરિવારને આપવાને બદલે લઈ જઈ રહ્યા છે. સાંસદના પરિવારે તે પત્ર શેર કર્યો છે. આ દ્વારા મૃત્યુના આંકડા છુપાવવામાં આવી રહ્યા છે. ભાગદોડમાં માર્યા ગયેલા લોકોના મૃતદેહને એમ કહીને સોંપવામાં આવી રહ્યા છે કે તેમનું મૃત્યુ કુદરતી રીતે થયું છે.
એક પીડિત પરિવારને પત્રમાં લખવાની ફરજ પાડવામાં આવી હતી કે ૨૯ જાન્યુઆરીના રોજ, ગ્વાલિયરનો એક યુવાન તેની કાકીના દીકરા સાથે સંગમમાં સ્નાન કરવા માટે કુંભમાં આવ્યો હતો. તે મહાનિર્વાણી અખાડામાં રોકાયો હતો. ત્યાં તેમની તબિયત અચાનક બગડી ગઈ અને તેમનું મૃત્યુ થયું. તમને માહિતી આપવામાં આવી રહી છે, કૃપા કરીને જરૂરી પગલાં લો. આ યુવાનનું ૨૯ જાન્યુઆરીએ અવસાન થયું.
હકીકતમાં, મંગળવાર, ૨૮ જાન્યુઆરીના રોજ, મૌની અમાવાસ્યાના શુભ સમયની શરૂઆત સાથે, સાંજે ૭.૩૫ વાગ્યાથી, ભક્તો અમૃત સ્નાન માટે સંગમ કિનારે એકઠા થવા લાગ્યા. બુધવારે સવારે ૨ વાગ્યા સુધીમાં, સંગમ કિનારે એકઠી થયેલી ભીડ લોકોના સમુદ્રમાં ફેરવાઈ ગઈ. સવારના ૨ વાગ્યા સુધી બધું યોજના મુજબ ચાલી રહ્યું હતું, પરંતુ સંગમ કિનારે ભક્તોની ભીડ વધી ગઈ હતી અને પવિત્ર સ્નાન કરનારાઓ માટે બહાર આવવા માટે જગ્યા બચી ન હતી. આ દરમિયાન, નાસભાગ મચી ગઈ અને મેળાના વહીવટીતંત્ર માટે પરિસ્થિતિને કાબુમાં લેવી મુશ્કેલ બની ગઈ.
આ ઘટનામાં ૩૦ થી વધુ લોકો માર્યા ગયા હતા અને ૬૦ થી વધુ લોકો ઘાયલ થયા હતા. ભાગદોડ બાદ, અખાડાઓની પરંપરાગત સ્નાન વિધિ, અમૃત સ્નાન સ્થગિત કરવામાં આવ્યું હતું પરંતુ બપોરે ફરી શરૂ કરવામાં આવ્યું હતું. ભક્તોએ સંગમ અને ગંગા કિનારે આવેલા અન્ય ઘાટો પર સ્નાન કરવાનું ચાલુ રાખ્યું, જાકે ત્યાં ભીડ ઓછી હતી.
