ગુજરાતમાં ફરીથી ઠંડીના કારણે લોકો ધ્રૂજી ઊઠશે, તાપમાનમાં ૨-૩ ડિગ્રીનો ઘટાડો થવાની હવામાન વિભાગે આગાહી કરી છે. ગુજરાતમાં પવનની પેટર્ન બદલાવાથી કડકડતી ઠંડીનો બીજા રાઉન્ડનો સામનો કરવો પડશે. હવામાન વિભાગે આગામી ૨૪ કલાકમાં તાપમાનમાં નોંધપાત્ર ઘટાડો થવાની આગાહી કરી છે. આગામી દિવસોમાં માવઠું પડવાની શક્યતાઓ જણાઈ રહી છે.
હાલમાં પૂર્વ અને ઉત્તરપૂર્વથી ફૂંકાતા પવનો દિશા બદલવા માટે સેટ છે, જેના કારણે તાપમાનમાં ૨-૩ સે નો ઘટાડો થશે. આ વખતે રાજ્યભરમાં કડકડતી ઠંડીનો ચમકારો જાવા મળશે. અમદાવાદનું લઘુત્તમ તાપમાન ૧૬.૨ સે, જે સામાન્ય કરતાં ૪ ડિગ્રી વધારે છે, ઘટવાની ધારણા છે. અન્ય પ્રદેશો, જેમ કે નલિયા, પહેલાથી જ ઠંડા તાપમાનનો અનુભવ કરી રહ્યા છે, જેમાં તાજેતરમાં ૧૧સે નું નીચું તાપમાન નોંધાયું છે.
તાપમાનમાં ઘટાડો થવાને કારણે રહેવાસીઓને આગામી શીત લહેરના કારણે સ્વાસ્થ્યનું ધ્યાન રાખવું પણ જરૂરી બની જશે. આજથી પશ્ચિમી વિક્ષેપોના કારણે દેશના ઉત્તરીય પર્વતીય વિસ્તારોમાં ભારે હિમવર્ષા જાવા મળશે. પશ્ચિમી વિક્ષેપ મધ્યમ હોવાથી, ૨૩ જાન્યુઆરીથી ૨૫ જાન્યુઆરી સુધી ઠંડીની અસર રહેશે. જેમાં ગુજરાતનું લઘુત્તમ તાપમાન ૧૧ ડિગ્રી સેલ્સીયસ અને કચ્છમાં ૧૦ ડિગ્રી સેÂલ્સયસ નોંધાશે. આ ઉપરાંત સૌરાષ્ટ્રના રાજકોટ, જૂનાગઢ અને જામનગરમાં પણ ઠંડીનો અનુભવ થશે.
