ટેલિવિઝન શો ‘ગુમ હૈ કિસી કે પ્યાર મેં’માં પોતાના અભિનય માટે પ્રખ્યાત વિહાન વર્મા આ દિવસોમાં ચર્ચામાં છે. તેણે ૧૭ વર્ષની ઉંમરે તેના કાસ્ટીંગ કાઉચના અનુભવ વિશે વાત કરી. તેણે કહ્યું કે કેવી રીતે એક વ્યક્તિએ તેને કાસ્ટીંગ માટે સમાધાન કરવાનું કહ્યું, જેનાથી તે ચોંકી ગયો. વિહાને કહ્યું કે તે તેના માતા-પિતાને આ ઘટના વિશે જણાવતા ડરતો હતો કારણ કે તેને ડર હતો કે તેઓ તેને શોબિઝ છોડવાનું કહેશે. આ સિરિયલમાં ૨૦ વર્ષનો લીપ થવાનો છે. આવી સ્થિતિમાં ઘણા કલાકારોએ આ શોને અલવિદા કહી દીધું છે.
વિહાન વર્માએ સપ્ટેમ્બર ૨૦૨૧માં મોહિત ચવ્હાણની ભૂમિકા ભજવવા માટે આદિશ વૈદ્યની જગ્યાએ લીધો. હવે વિહાન ‘ગમ હૈ કિસી કે પ્યાર મેં’ છોડી રહ્યો છે. હેમા કમિટીના રિપોર્ટમાં મલયાલમ ફિલ્મ ઈન્ડસ્ટ્રીની ખરાબ હાલત સામે આવ્યા બાદ તેની અસર બોલિવૂડ અને હિન્દી ટેલિવિઝન ઈન્ડસ્ટ્રીમાં પણ જાવા મળી હતી. હવે, વિહાન વર્માએ તેના કાસ્ટીંગ કાઉચના અનુભવ વિશે વાત કરી છે. અભિનેતા માત્ર ૧૭ વર્ષનો હતો જ્યારે તેને ભૂમિકા મેળવવા માટે ‘કોમ્પ્રોમાઇઝ’ કરવાનું કહેવામાં આવ્યું હતું. ન્યૂઝ૧૮ને આપેલા એક ઈન્ટરવ્યુમાં વિહાને કહ્યું, ‘મારા અભિનય કારકિર્દીની શરૂઆતમાં જ મને આ દુર્ભાગ્યપૂર્ણ અનુભવનો સામનો કરવો પડ્યો હતો. ઓડિશન દરમિયાન એક વ્યÂક્તએ મને ચોંકાવનારી ઓફર કરી.
ટીવી અભિનેતાએ વધુમાં કહ્યું, ‘મને પૂછવામાં આવ્યું હતું કે શું હું ભૂમિકાના બદલામાં શારીરિક રીતે સમાધાન કરીશ. હું માત્ર ૧૭ વર્ષનો હતો અને ડરતો હતો. મેં નમ્રતાથી ના પાડી અને તરત જ તેની ઓફિસ છોડી દીધી. શરૂઆતમાં હું આઘાતમાં હતો અને મને ખબર ન હતી કે કેવી રીતે પ્રતિક્રિયા આપવી. મુંબઈમાં જન્મેલા અને ઉછરેલા હોવાથી હું આવી ઘટનાઓથી વાકેફ હતો, પરંતુ મેં ક્યારેય વિચાર્યું ન હતું કે મારી સાથે આવું કંઈક થશે. મારી જાતને બચાવવા માટે, મેં નક્કી કર્યું કે આવી દરખાસ્તો સાથે બીજા કોઈએ મારી પાસે ન આવવું જાઈએ. જે મને કે મારા પરિવારને પીડા આપે છે.
‘ગુમ હૈ કિસી કે પ્યાર મેં’ બંગાળી ટેલિવિઝન શો ‘કુસુમ ડોલા’ની રિમેક છે. તેમાં અગાઉ આયેશા સિંહ, નીલ ભટ્ટ અને ઐશ્વર્યા શર્મા ભટ્ટે અભિનય કર્યો હતો. પાછળથી, તેમાં ભાવિકા શર્મા, શક્તિ અરોરા અને સુમિત સિંહે બીજી પેઢી તરીકે અભિનય કર્યો હતો. જૂન ૨૦૨૪થી આ સિરીઝમાં હિતેશ ભારદ્વાજ અને અમાયરા ખુરાના ઐશ્વર્યા સાથે જાવા મળી રહ્યા છે.
