– ઘેટાં અને બકરાના રહેઠાણ માટે સામાન્ય વિગતો
• ઘેટાં અને બકરા માટે તેની શ્રેષ્ઠ ઉત્પાદન કાર્યક્ષમતા માટે ઓછી કિંમતની આવાસ સામગ્રી સાથે સાદા શેડની જોગવાઈ પૂરતી છે.
• માટીના માળ સાથેના શેડ દેશના મોટાભાગના ભાગો માટે યોગ્ય છે સિવાય કે જ્યાં વધુ વરસાદ જોવા મળે છે.
• પાણીની સ્થિરતાને રોકવા માટે શેડ ઊંચા વિસ્તારમાં બાંધવા જોઈએ.
• શેડની આસપાસ ચારાનાં વૃક્ષો ઉગાડી શકાય છે, જે વધતી બકરીઓ માટે ખોરાકના સ્રોત તરીકે કામ કરે છે.
• બકરીઓ માટે પીવાનું શુદ્ધ પાણી ઉપલબ્ધ હોવું જોઈએ.
• શેડ યોગ્ય વેન્ટીલેશન સાથે બાંધવા જોઈએ.
• બાંધકામ કરતી વખતે શેડની દિવાલો તિરાડો અથવા છિદ્રોથી મુક્ત હોવી જોઈએ.
• શેડના માળ મજબુત હોવા જાઈએ અને તેમાં પાણી શોષવાની ક્ષમતા હોવી જોઈએ.
• ફ્લોર એવી રીતે બાંધવા જાઈએ, જેથી તે સરળતાથી સાફ થઈ શકે.
• શેડના પ્રકારો ઉછેરની પદ્ધતિ પર આધાર રાખે છે. કવર્ડ એરીયા અને રન સ્પેસ સાથે ઓપન ટાઈપ હાઉસિંગ સામાન્ય રીતે પર્યાપ્ત છે. રન સ્પેસ સાંકળ લિંક્સ દ્વારા આવરી લેવામાં આવવી જોઈએ.
• કવર્ડ એરીયાનો ઉપયોગ રાત્રે અને પ્રતિકૂળ આબોહવાની પરિસ્થિતિઓ દરમિયાન પ્રાણીઓના આશ્રય માટે થાય છે.
• ફ્લોરને સૂકવવા માટે વેન્ટીલેશન/હવાની અવર-જવરની પર્યાપ્ત જોગવાઈ માટે પૂર્વ-પશ્ચિમ તરફના શેડ યોગ્ય છે.
• સસ્તી કિંમત અને ટકાઉપણુંને કારણે ઘાસ-ચારાની છત શ્રેષ્ઠ અનુકૂળ છે. જો કે વાટાદાર એસ્બેસ્ટોસ શીટ્સનો ઉપયોગ પુનરાવર્તિત ખર્ચ ઘટાડવા અને લાંબા સમય સુધી ટકાઉપણું રાખવા માટે ઓર્ગનાઇઝ્ડ ફાર્મ માટે પણ કરી શકાય છે.
• ગેબલ રૂફિંગ (ત્રિકોણાકાર ઢળતી છત) સામાન્ય રીતે પસંદ કરવામાં આવે છે.
• જ્યારે ઘેટા-બકરાને દિવસના દરમ્યાન ચરવા માટે લઈ જવામાં આવે છે અને માત્ર રાત્રે જ આશ્રય આપવામાં આવે છે, ત્યારે કવર્ડ એરીયા જેટલી જગ્યા પૂરતી હોય છે. જ્યારે ઘેટા-બકરાને ઇન્ટેન્સીવ ફાર્મીંગ/સઘન રીતે રાખવામાં આવે છે, ત્યારે રહેઠાણની
પેન (શેડ) અને રન (ઓપન) સિસ્ટમ અનુકૂળ રહે છે.
• શેડની લંબાઈ માટે કોઈ પ્રતિબંધ નથી, જો કે શેડની પહોળાઈ ૧૨ મીટરથી વધુ ન હોવી જોઈએ અને શેડની ઇષ્ટતમ પહોળાઈ ૮ મીટર હોવી જોઈએ.
• ઈવની ઊંચાઈ ૨.૫ મીટર હોવી જોઈએ અને રિજ પરની ઊંચાઈ ૩.૫ મીટર હોવી જોઈએ. ખુલ્લી જગ્યા માટે ઉપયોગમાં લેવાતી સાંકળ લિંકની ઊંચાઈ ૪ ફૂટ હોવી જાઈએ. ઓવરહેંગની લંબાઈ ૭૫ સે.મી થી – ૧ મીટર હોવી જોઈએ.
• કોન્સન્ટ્રેટ ફીડ, લીલો ચારો અને પાણી માટે અલગ ફીડર અને પાણીના કુંડા મુકવા જોઈએ.
– ઓર્ગનાઇઝ્ડ ફાર્મમાં ઘેટાં અને બકરીના રહેવા માટે નીચેના પ્રકારના વિવિધ શેડની આવશ્યકતા રહે છે
• સામાન્ય ફ્લોક્સ શેડ- ઇવ (ઘેંટી) / ડો (બકરી)
• રેમ-નર ઘેટા અથવા બક- બકરા માટેનો શેડ
• લેમ્બીંગ અથવા કિડિંગ શેડ
• લેમ્બ અથવા કીડ શેડ
• બીમાર પશુ શેડ
• ઉન કાપણી રૂમ અને સ્ટોર રૂમ
• એટેન્ડન્ટનો રૂમ
– સામાન્ય ફ્લોક્સ શેડ- ઇવ (ઘેંટી) / ડો (બકરી)
• ફ્લોક્સ શેડ એ સંવર્ધન હેતુ માટે રાખવામાં આવેલ ઇવ (ઘેંટી) / ડો (બકરી) માટે વાપરવામાં આવે છે.
• આ શેડ ૧૫ મી. લંબાઇ ટ ૪ મી. પહોળાઇ ટ ૩ મી. ઉંચાઇવાળો હોવો
જોઈએ અને તેમાં વધુમાં વધુ ૬૦ જેટલી ઇવ
(ઘેંટી) / ડો (બકરી)ને સમાવી શકાય છે.
• આ શેડ ત્રણ મીટર ઉંચો હોવો જોઈએ અને તેની કિનારી ઈંટોથી સજ્જ હોવી જોઈએ.
• નીચાણવાળા અને ભારે વરસાદવાળા વિસ્તારોમાં, ફ્લોર પ્રાધાન્યપણે ઉંચા હોવા જોઈએ અને સમશીતોષ્ણ પ્રદેશોમાં તે મજબૂત લાકડાના બનેલા હોવા જોઈએ.
– રેમ-નર ઘેટા / બક- બકરા માટેનો શેડ
• સંવર્ધન હેતુ માટે રાખવામાં આવેલ ઘેટાં અથવા બકરાને આ શેડમાં વ્યક્તિગત રીતે રાખવામાં આવે છે. વૈકલ્પીક રીતે, લાકડાના પાર્ટીશનો મોટા શેડમાં ઉભા કરી શકાય છે જેથી કરીને સ્ટોલમાં પાર્ટીશન કરી શકાય.
• પરિમાણ ૪ મી. લંબાઇ ટ ૨.૫ મી. પહોળાઇ ટ ૩ મી ઉંચાઇ છે અને તે લગભગ ૩ નર ઘેટા / બકરાને સમાવી શકે શકાય છે.
• શેડને ત્રણ સરખા કમ્પાર્ટમેન્ટ બનાવવા માટે લંબાઈની દિશામાં વિભાજિત કરવામાં આવે છે.
– લેમ્બીંગ / કિડિંગ શેડ
• આ શેડનો ઉપયોગ સગર્ભા ઈવ અથવા ડો માટે પ્રસૂતિ રૂમ તરીકે કરવામાં આવે છે, અને આ શેડમાં વ્યક્તિગત રીતે રાખવામાં આવે છે,
• આ શેડની ૧.૫ મી. લંબાઇ ટ ૧.૨ મી પહોળાઇ ટ ૩ મી ઉંચાઇ હોય છે.
• શેડમાં ખોરાક રાખવા માટે ગમાણ અને પાણી રાખવા માટે એક ડોલ રાખવામાં આવે છે, આ શેડને ઠંડા પવનોથી રક્ષણ મળે તે રીતે બનાવવામાં આવે છે
