બોલીવુડ અભિનેતા સોનુ સૂદે તેની પત્ની સોનાલીના તાજેતરના માર્ગ અકસ્માત બાદ એક વીડિયો જાહેર કર્યો છે અને લોકોને કારમાં સીટ બેલ્ટ પહેરવાની અપીલ કરી છે. સોનુ સૂદે કહ્યું કે કારની પાછળની સીટ પર બેઠેલા લોકોએ પણ સીટ બેલ્ટનો ઉપયોગ કરવો જાઈએ. સોનુ સૂદે કહ્યું કે મારી પત્ની સોનાલી, તેની બહેન અને ભત્રીજા નાગપુરમાં માર્ગ અકસ્માતનો ભોગ બન્યા હતા. અકસ્માતના એક મિનિટ પહેલા, પત્નીએ પાછળની સીટ પર બેઠેલી તેની બહેનને સીટ બેલ્ટ પહેરવાનું કહ્યું. થોડી વાર પછી અકસ્માત થયો. સીટ બેલ્ટ પહેર્યો હોવાથી તેનો જીવ બચી ગયો. સોનુ સૂદે લોકોને કહ્યું હતું કે સીટ બેલ્ટ પહેર્યા વગર વાહન ન ચલાવો… જા સીટ બેલ્ટ ન હોય તો પરિવાર નથી.
અભિનેતાએ કહ્યું કે આખી દુનિયાએ કારની હાલત જાઈ છે. તમને ખબર છે કે જા તેમને કંઈ બચાવ્યું હોય, તો તે સીટ બેલ્ટ હતો. સૂદે પાછળની સીટ પર બેસતી વખતે સીટ બેલ્ટ ન પહેરવાની સામાન્ય પ્રથા તરફ ધ્યાન દોર્યું. અકસ્માતના દિવસને યાદ કરતાં તેમણે કહ્યું કે તેમની પત્ની સોનાલીએ તેમની ભાભી સુમિતાને સીટ બેલ્ટ પહેરવાનું કહ્યું ત્યારે કાર અકસ્માત થયો, જેના કારણે આખરે તેમનો જીવ બચી ગયો. તેમણે વધુમાં ઉમેર્યું, “પાછળની સીટ પર બેઠેલા ૧૦૦ માંથી ૯૯ લોકો ક્યારેય સીટ બેલ્ટ પહેરતા નથી. તેઓ માને છે કે સીટ બેલ્ટ પહેરવો એ ફક્ત આગળની સીટ પર બેઠેલા વ્યક્તિની જવાબદારી છે. હું તમને બધાને વિનંતી કરું છું કે સીટ બેલ્ટ વગર કારમાં ન બેસો.”
સોનુ સૂદે કહ્યું કે હું તમને બધાને વિનંતી કરું છું કે – સીટ બેલ્ટ વગર ક્યારેય કારમાં ન બેસો. મોટાભાગના ડ્રાઇવરો પોલીસને બતાવવા માટે સીટ બેલ્ટ પહેરે છે, પરંતુ મારા પર વિશ્વાસ કરો, સીટ બેલ્ટ તમારી અને તમારા પરિવારની સુરક્ષા સુનિશ્ચિત કરે છે.
તમને જણાવી દઈએ કે થોડા દિવસો પહેલા નાગપુરમાં અભિનેતા સોનુ સૂદની પત્ની અને તેના સંબંધી એક માર્ગ અકસ્માતમાં ઘાયલ થયા હતા. આ અકસ્માતમાં કારમાં સવાર તમામ મુસાફરોને નાની મોટી ઈજાઓ થઈ હતી પરંતુ કાર સંપૂર્ણપણે ક્ષતિગ્રસ્ત થઈ ગઈ હતી.
