ઝારખંડ વિધાનસભા ચૂંટણીની પ્રક્રિયા શુક્રવારથી શરૂ થઇ છે. આગામી ચૂંટણીના પ્રથમ તબક્કા માટે ૪૩ વિધાનસભા બેઠકો માટે નામાંકન ભરવાની પ્રક્રિયા આજથી એટલે કે ૧૮ ઓક્ટોબરથી શરૂ થઇ છે. નોમિનેશન ફાઇલ કરવાની છેલ્લી તારીખ ૨૫ ઓક્ટોબર છે અને રજાના દિવસો સિવાય સવારે ૧૧ થી બપોરે ૩ વાગ્યા સુધી નોમિનેશન ફાઇલ કરી શકાશે. તમામ ઉમેદવારોએ ચૂંટણી પંચ દ્વારા નિર્ધારિત માર્ગદર્શિકાનું પાલન કરવું ફરજિયાત છે. ઝારખંડના મુખ્ય ચૂંટણી અધિકારી કે રવિ કુમારે ધુર્વામાં ચૂંટણી ભવનમાં પ્રેસ કોન્ફરન્સ દરમિયાન આ વાત કહી.
અધિકારીએ જણાવ્યું કે ઉમેદવારી પત્રોની ચકાસણીની તારીખ ૨૮ ઓક્ટોબર છે, જ્યારે ચૂંટણીના પ્રથમ તબક્કા માટે નામાંકન પરત ખેંચવાની છેલ્લી તારીખ ૩૦ ઓક્ટોબર છે. આ વર્ષે ઝારખંડમાં વિધાનસભાની ચૂંટણી બે તબક્કામાં યોજાશે. પ્રથમ તબક્કાનું મતદાન ૧૩ નવેમ્બરે અને બીજા તબક્કાનું મતદાન ૨૦ નવેમ્બરે થશે, જેના પરિણામો ૨૩ નવેમ્બરે જાહેર કરવામાં આવશે. તમને જણાવી દઈએ કે ઝારખંડ વિધાનસભાની કુલ સીટોની સંખ્યા ૮૧ છે. મતદાન દરમિયાન કડક સુરક્ષા બંદોબસ્ત ગોઠવવા સૂચના આપવામાં આવી છે.
મુખ્ય ચૂંટણી અધિકારી કે રવિ કુમારે જણાવ્યું હતું કે ઉમેદવારોને નામાંકન આભા સ્થળના ૧૦૦ મીટરની અંદર માત્ર ત્રણ વાહનોની મંજૂરી આપવામાં આવશે અને ઉમેદવાર સહિત માત્ર ચાર જ લોકો નોમિનેશન હોલમાં પ્રવેશી શકશે. ઉમેદવારોએ ૧૦ વ્યક્તિઓ દ્વારા હસ્તાક્ષર કરેલ દરખાસ્ત સબમિટ કરવી પડશે અને સામાન્ય ઉમેદવારો માટે ૧૦,૦૦૦ રૂપિયાની સિક્યોરિટી ડિપોઝિટ જમા કરાવવાની રહેશે, જ્યારે એસસી એસટી ઉમેદવારો માટે ૫,૦૦૦ રૂપિયા.,દરેક ઉમેદવારે ફોર્મ ૨૬ ભરવું પડશે અને ગુનાહિત રેકોર્ડની વિગતો આપતું એફિડેવિટ સબમિટ કરવું પડશે, જેની જાહેરાત ત્રણ અખબારો અને સોશિયલ મીડિયામાં કરવી જાઈએ. ચૂંટણી ખર્ચ માટે અલગ બેંક ખાતું ખોલાવવું જોઈએ.,ચૂંટણી અધિકારીએ જણાવ્યું કે ઝારખંડમાં કુલ મતદારોની સંખ્યા ૨.૬૦ કરોડ છે. તેમાંથી ૧૧.૮૪ લાખ પ્રથમ વખત મતદારો છે.
રાજ્યની ૪૩ બેઠકો પર ૧૩ નવેમ્બરે મતદાન થશે. આ બેઠકો કોડરમા, બરકાથા, બારહી, બરકાગાંવ, હજારીબાગ, જમશેદપુર પશ્ચિમ, ઇચાગઢ, રાંચી, જમશેદપુર પૂર્વ, ડાલ્ટનગંજ, હટિયા, પંકી, બહારગોરા, બિશ્રામપુર, હુસૈનાબાદ, ગઢવા અને ભવનાથપુર છે. આ સિવાય અનુસૂચિત જનજાતિ મતક્ષેત્રોમાં ઘાટશિલા, મનોહરપુર, ચક્રધરપુર, ખરસાવાન, તામર, તોરપા, ખુંટી, મંડર, પોટકા, સેરાઈકેલા, ચાઈબાસા, ગુમલા, બિશુનપુર, સિમડેગા, કોલેબીરા, મઝગાંવ, જગન્નાથપુર, સિસાઈ અને માનિકાહારનો સમાવેશ થાય છે. જ્યારે અનુસૂચિત જાતિની વિધાનસભા બેઠકોમાં જુગસલાઈ, કાંકે, સિમરિયા, ચતરા, લાતેહાર અને છતરપુર વગેરેનો સમાવેશ થાય છે. આ બેઠકો પર ૧૩ નવેમ્બરે મતદાન થશે.
