ભ્રષ્ટાચાર વિરોધી એજન્સી દક્ષિણ કોરિયાના રાષ્ટ્રપતિ યૂન સુક યેઓલને તેમના નિવાસસ્થાનથી અટકાયત કરી શકી નથી. આજે શુક્રવારે, એજન્સી તેમને મહાભિયોગ કેસમાં કસ્ટડીમાં લેવા માટે રાષ્ટÙપતિ આવાસ પર પહોંચી હતી. પરંતુ ત્યાં કલાકોની નાટકીય ઘટનાઓ પછી, તેણે પાછા વળવું પડ્યું. એજન્સીએ જણાવ્યું હતું કે તે રાષ્ટÙપતિ યુનને તેમના નિવાસસ્થાન પર કલાકો સુધી ચાલેલા મડાગાંઠ પછી અટકાયત કરવામાં નિષ્ફળ રહી હતી.
તમને જણાવી દઈએ કે દક્ષિણ કોરિયાની ભ્રષ્ટાચાર વિરોધી એજન્સીએ શુક્રવારે દેશના રાષ્ટ્રપતિ યુન સુક યેઓલને અટકાયતમાં લેવા વોરંટ ચલાવવા માટે તપાસકર્તાઓને સિઓલ મોકલ્યા હતા, જેઓ મહાભિયોગનો સામનો કરી રહ્યા છે, જ્યાં સેંકડો સમર્થકો યુનના નિવાસસ્થાને એકઠા થયા હતા. ઉચ્ચ કક્ષાના અધિકારીઓ સામેના ભ્રષ્ટાચારના આરોપોની તપાસ કરતી ઓફિસના તપાસકર્તાઓ વહેલી સવારે ગ્વાચેઓન શહેરમાં તેમનું મુખ્ય મથક છોડતા જાવા મળ્યા હતા.
નોંધનીય છે કે દક્ષિણ કોરિયાની એક અદાલતે તાજેતરમાં યૂન સુક યેઓલની અટકાયત કરવા અને તેની ઓફિસની તપાસ માટે વોરંટ જારી કર્યું હતું. તપાસ એજન્સીએ એક નિવેદનમાં કહ્યું હતું કે ‘સિઓલ વેસ્ટર્ન કોર્ટે’ આ મહિનાની શરૂઆતમાં લાદવામાં આવેલા ટૂંકા ગાળાના માર્શલ લો સંબંધિત કેસમાં યુન સુક યેઓલની અટકાયત કરવા અને રાષ્ટ્રપતિ કાર્યાલયની તપાસ માટે વોરંટ જારી કર્યું છે. એજન્સીએ કહ્યું કે તે તપાસ કરી રહી છે કે શું યુન દ્વારા ૩ ડિસેમ્બરે લાદવામાં આવેલ ટૂંકા ગાળાનો ‘માર્શલ લો’ બળવો સમાન હતો.
યુનના આવાસની આસપાસ હજારો પોલીસકર્મીઓ તૈનાત કરવામાં આવ્યા છે. હાલમાં પોલીસ અને પ્રદર્શનકારીઓ વચ્ચે કોઈ અથડામણ થઈ હોવાના કોઈ અહેવાલ નથી. જા યુનની અટકાયત કરવામાં આવે છે, તો ભ્રષ્ટાચાર વિરોધી એજન્સી પાસે તપાસ માટે ૪૮ કલાકનો સમય હશે. પછી તેણે કાં તો તેમની ઔપચારિક ધરપકડ માટે વોરંટની વિનંતી કરવી જાઈએ અથવા તેમને મુક્ત કરવા જાઈએ. યુનના સંરક્ષણ પ્રધાન, પોલીસ વડા અને કેટલાક ટોચના સૈન્ય કમાન્ડરોની લશ્કરી કાયદો લાદવામાં તેમની કથિત ભૂમિકાઓ બદલ પહેલેથી જ ધરપકડ કરવામાં આવી છે.
યૂન સુક યેઓલના વકીલ યૂન કેપ-ક્યુને વોરંટને ગેરકાયદેસર જાહેર કર્યું છે. યૂને અગાઉ તપાસ ટીમ અને સરકારી વકીલોની પૂછપરછ માટે હાજર રહેવાની બહુવિધ વિનંતીઓને ટાળી દીધી છે અને તેની ઓફિસોની શોધખોળની પ્રક્રિયામાં પણ અવરોધ ઊભો કર્યો છે. દક્ષિણ કોરિયામાં ટૂંકા ગાળાના માર્શલ લા લાદવાના આદેશ માટે નેશનલ એસેમ્બલીમાં રાષ્ટ્રપતિ યૂન સુક યેઓલ વિરુદ્ધ લાવવામાં આવેલ મહાભિયોગ પ્રસ્તાવ ૧૪ ડિસેમ્બરે પસાર કરવામાં આવ્યો હતો. ત્યાર બાદ બંધારણીય અદાલતે તેમને પદ પરથી હટાવવા અથવા તેમની સત્તા પુનઃસ્થાપિત કરવા અંગે ચુકાદો ન આપ્યો ત્યાં સુધી રાષ્ટÙપતિ તરીકે યુનની સત્તાઓ સ્થગિત કરવામાં આવી હતી.
