મુંબઈ ઈન્ડીયન્સનો ઓપનર રોહિત શર્મા આઇપીએલ ૨૦૨૫માં ખરાબ ફોર્મનો સામનો કરી રહ્યો છે. આ સ્ટાર બેટ્સમેન આ સિઝનમાં અત્યાર સુધી ત્રણ મેચમાં માત્ર ૨૧ રન બનાવી શક્્યો છે. પાંચ વખતની ચેમ્પિયન મુંબઈ ઈન્ડીયન્સ આ સિઝનમાં પોતાની પહેલી ત્રણ મેચમાંથી બે મેચ હારી ગઈ છે. રોહિત શર્મા છેલ્લા ઘણા મહિનાઓથી ખરાબ ફોર્મથી પીડાઈ રહ્યો છે. ગયા વર્ષે ઘરઆંગણે ન્યુઝીલેન્ડ સામે રમાયેલી ટેસ્ટ શ્રેણી પછી ૩૭ વર્ષીય રોહિતનો ફ્લોપ શો ચાલુ રહ્યો. ઓસ્ટ્રેલિયા પ્રવાસ પર પણ હિટમેનનું બેટ શાંત રહ્યું અને તે પછી તાજેતરમાં પૂર્ણ થયેલી ચેમ્પિયન્સ ટ્રોફીમાં પણ તે સારી લયમાં જાવા મળ્યો ન હતો.
આ વિશે વાત કરતાં મુંબઈ ઈન્ડીયન્સના બેટિંગ કોચ કિરોન પોલાર્ડે કહ્યું કે દરેક ખેલાડી ખરાબ ફોર્મમાંથી પસાર થાય છે અને તેમને આશા છે કે રોહિત ટૂંક સમયમાં ફોર્મ પાછું મેળવશે. પોલાર્ડે કહ્યું કે રોહિતને તેના ક્રિકેટનો આનંદ માણવાની સ્વતંત્રતા આપવી જાઈએ અને ઉમેર્યું કે તે માને છે કે ચાહકો ટૂંક સમયમાં ટુર્નામેન્ટમાં તેની પ્રશંસા કરશે. લખનૌ સુપર જાયન્ટ્સ સામેની મેચ પહેલા કિરોન પોલાર્ડે કહ્યું હતું કે, રોહિતનું નામ ઇતિહાસમાં, રેકોર્ડ બુકમાં નોંધાયેલું છે. તે રમતનો એક દંતકથા છે. થોડી મેચોમાં ઓછા સ્કોરના આધારે તેનો નિર્ણય ન લેવો જાઈએ.
પોલાર્ડે આશા વ્યક્ત કરી છે કે તે ટૂંક સમયમાં મોટી ઇનિંગ રમશે પરંતુ આ અંગે તેના પર કોઈ દબાણ ન હોવું જાઈએ. તેમણે કહ્યું, ઘણી વખત ખેલાડીઓ રન બનાવી શકતા નથી. એક ખેલાડી તરીકે, તે તેની રમતનો આનંદ માણી રહ્યો છે અને તેના પર કોઈ દબાણ ન હોવું જાઈએ. પોલાર્ડે વધુમાં કહ્યું કે તેમને ખાતરી છે કે રોહિત ટૂંક સમયમાં મોટી ઇનિંગ રમશે અને અમે તેમના વખાણ કરતા જાવા મળીશું. પછી આપણે કોઈ નવા ગરમ મુદ્દા વિશે વાત કરીશું. મુંબઈ ઈન્ડીયન્સને પાંચ આઈપીએલ ટાઇટલ અપાવનાર ભૂતપૂર્વ કેપ્ટન રોહિતે આઈપીએલ ૨૦૨૫માં અત્યાર સુધીમાં ત્રણ મેચમાં ૦, ૮ અને ૧૩ રન બનાવ્યા છે. હવે રોહિતનો પ્રયાસ આ ખરાબ ફોર્મમાંથી વહેલી તકે બહાર આવવાનો અને ટીમ માટે મોટી ઇનિંગ્સ રમવાનો રહેશે.
