દિલ્હી રમખાણો કેસમાં દિલ્હી પોલીસ અને દિલ્હીના કાયદા મંત્રી કપિલ મિશ્રાની અપીલ પર રાઉઝ એવન્યુ કોર્ટે જવાબ દાખલ કરવા માટે સમય આપ્યો છે. કોર્ટે દિલ્હી પોલીસને દિલ્હી રમખાણો કેસમાં દાખલ કરાયેલ ચાર્જશીટની નકલ પ્રતિવાદીઓને આપવાનો પણ નિર્દેશ આપ્યો છે. કોર્ટે આ મામલાની સુનાવણી ૭ મેના રોજ નક્કી કરી છે. વચગાળાનો સ્ટે આગામી તારીખ સુધી ચાલુ રહેશે.
૯ એપ્રિલના રોજ, રાઉઝ એવન્યુ કોર્ટે ફેબ્રુઆરી ૨૦૨૦ ના દિલ્હી રમખાણો કેસમાં કથિત ભૂમિકા બદલ દિલ્હીના કાયદા પ્રધાન કપિલ મિશ્રા સામે વધુ તપાસના આદેશ પર ૨૧ એપ્રિલ સુધી સ્ટે આપ્યો હતો. મેજિસ્ટ્રેટ કોર્ટના નિર્ણય સામે મિશ્રાની અરજીની સુનાવણી કરતી વખતે સ્પેશિયલ જજ કાવેરી બાવેજાની કોર્ટે આ સ્ટે લગાવ્યો હતો.
તમને જણાવી દઈએ કે ૨૪ ફેબ્રુઆરી ૨૦૨૦ ના રોજ ઉત્તર-પૂર્વ દિલ્હીમાં રમખાણો થયા હતા. આ રમખાણોમાં ૫૩ લોકો માર્યા ગયા હતા અને સેંકડો ઘાયલ થયા હતા. જ્યારે આ રમખાણો થયા ત્યારે અમેરિકાના રાષ્ટ્રપતિ ડોનાલ્ડ ટ્રમ્પ ભારતની મુલાકાતે આવવાના હતા.
