(એચ.એસ.એલ),નવીદિલ્હી,તા.૨૯
દિલ્હી વિધાનસભાનું શિયાળુ સત્ર શુક્રવારથી શરૂ થયું છે. સત્ર શરૂ થતાં જ થોડીવારમાં હોબાળો થયો અને ભાજપના ધારાસભ્યો ગૃહમાંથી વોકઆઉટ કરી ગયા. ત્રણ દિવસના સત્રમાં પ્રશ્નકાળ રાખવામાં આવ્યો ન હોવાનો ભાજપે વિરોધ કર્યો હતો. તેનું કારણ એ છે કે ધારાસભ્યો સરકારને પ્રશ્નો પૂછી શકતા નથી. દિલ્હી વિધાનસભાના વર્તમાન કાર્યકાળનું આ છેલ્લું સત્ર છે. આમ આદમી પાર્ટી ગૃહમાં તેની સરકારની સિદ્ધિઓની ગણના કરશે. ગૃહની કાર્યવાહી ૩ ડિસેમ્બર સુધી ચાલશે. આમ આદમી પાર્ટીના ધારાસભ્ય કુલદીપે ૧૦ હજાર બસ માર્શલની નિમણૂકનો મુદ્દો ઉઠાવ્યો હતો. તે જ સમયે, અરવિંદ કેજરીવાલ સાંજે ૪ વાગ્યે દિલ્હી વિધાનસભામાં બોલશે.
વિપક્ષના નેતા વિજેન્દ્ર ગુપ્તાએ કહ્યું કે બસ માર્શલને અરવિંદ કેજરીવાલના આદેશ પર હટાવવામાં આવ્યા હતા, તેમણે જણાવવું જાઈએ કે તેમને કેમ હટાવવામાં આવ્યા, તેમણે તેમની નિમણૂક કરી હતી અને તેમને હટાવ્યા પણ હતા. તેઓએ અમારી દરખાસ્ત સ્વીકારી અને પાસ કરી. અમે મુખ્યમંત્રી પાસેથી સમય લીધો અને ત્યાં ભીડ એકઠી થઈ ગઈ. માર્શલ માત્ર સમજી રહ્યા છે કે તેમની સાથે ગંદું રાજકારણ રમાઈ રહ્યું છે. આ લોકો સત્તામાં છે અને વિપક્ષને કહી રહ્યા છે કે, અમે સીએમ આતિશીનું સન્માન કરીએ છીએ.
તેમણે કહ્યું કે સીએમએ મીટિંગમાં દરખાસ્ત રજૂ કરી હતી અને સીએમ અને એલજી ત્યાં હાજર હતા. સીએમએ પ્રસ્તાવમાં કહ્યું કે એક કમિટી બનાવવામાં આવે જે તેમની નિમણૂક અંગે ચર્ચા કરશે. આ દલિત વિરોધી સરકાર છે. બસ માર્શલને રિઝર્વેશન આપવામાં આવ્યું ન હતું. ૨૪ ઓક્ટોબરના રોજ એલજીએ એક પત્ર જારી કર્યો હતો અને કહેવામાં આવ્યું હતું કે હું બસ માર્શલની પુષ્ટિ કરવા માટે તૈયાર છું, પ્રક્રિયા શરૂ થવી જાઈએ. માત્ર માર્શલો બેરોજગાર ન રહે, તેઓ ત્યાં સુધી ૪ મહિના માટે નોકરી શરૂ કરે, પ્રદૂષણને લઈને તેમની નિમણૂક કરવી જાઈએ.
