મહારાષ્ટ્રના ડેપ્યુટી સીએમ દેવેન્દ્ર ફડણવીસના મંત્રાલયની ઓફિસની બહાર તોડફોડનો મામલો સામે આવ્યો છે. ઘટના ગુરુવારે સાંજની છે. આ મામલાની માહિતી મળતાં પોલીસે આ અંગે ગુનો નોંધી તપાસ શરૂ કરી છે. કહેવામાં આવી રહ્યું છે કે પોલીસ હજુ પણ આરોપી મહિલાની ઓળખ કરવાનો પ્રયાસ કરી રહી છે. એવું કહેવામાં આવી રહ્યું છે કે આ ઘટનાને અંજામ આપનાર મહિલા કોઈ વાતને લઈને ગુસ્સામાં હતી. પરંતુ નારાજગીનું સાચું કારણ શું હતું તે હજુ સુધી જાણી શકાયું નથી. જ્યાં સુધી મહિલાની ઓળખ કરીને પૂછપરછ નહીં થાય ત્યાં સુધી આ ઘટના પાછળનું સાચું કારણ જાણી શકાશે નહીં. પોલીસ હાલ મહિલાને શોધવામાં વ્યસ્ત છે. જે મંત્રાલયની સામે આ ઘટના બની તે કાર્યાલય છઠ્ઠા માળે છે.
આ ઘટનાના સીસીટીવી ફૂટેજ પણ સામે આવ્યા છે. આ વીડિયોમાં જાવા મળે છે કે કેવી રીતે મહિલા દેવેન્દ્ર ફડણવીસના નામની નેઈમ પ્લેટ ફેંકે છે. આટલું જ નહીં, મહિલાએ વેઇટિંગ હોલમાં રહેલા ફ્લાવરપાટ્સને પણ નુકસાન પહોંચાડ્યું છે. હવે આવી સ્થિતિમાં મંત્રાલયની આ ઇમારતની સુરક્ષાને લઈને સવાલો ઉઠી રહ્યા છે. એવું કહેવામાં આવી રહ્યું છે કે એક મહિલા આટલો જાહેર હંગામો કેવી રીતે કરી શકે છે અને કોઈપણ પ્રતિબંધ વિના મંત્રાલયની ઇમારત છોડી શકે છે. આપને જણાવી દઈએ કે દેવેન્દ્ર ફડણવીસ રાજ્યના નાયબ મુખ્યમંત્રી હોવાની સાથે રાજ્યના ગૃહમંત્રી પણ છે.
પ્રાપ્ત માહિતી અનુસાર, પોલીસની વિશેષ ટીમ આ આરોપી મહિલાની ઓળખ કરવામાં વ્યસ્ત છે. આ અંગે મંત્રાલયની આ ઇમારતમાં લાગેલા સીસીટીવી ફૂટેજની પણ તપાસ કરવામાં આવી રહી છે. આ મહિલા કયા ગેટથી આ બિલ્ડીંગમાં પ્રવેશી હતી તે જાણવાનો પ્રયાસ કરવામાં આવી રહ્યો છે. અને બિલ્ડીંગની બહાર નીકળતી વખતે તે કયા ગેટમાંથી બહાર નીકળી હતી?
