લાઠી-બાબરાના ધારાસભ્ય જનકભાઈ તળાવીયાએ આજે તેમના સ્વ. પિતા પુનાભાઈ લવજીભાઈ તળાવીયાની ચોથી પુણ્યતિથિ નિમિત્તે વતન કાચરડીની પ્રાથમિક શાળાના વિદ્યાર્થીઓને નોટબુકનું વિતરણ કર્યું હતું. આ કાર્યક્રમમાં આગેવાનો, શિક્ષકો અને મોટી સંખ્યામાં ગ્રામજનો ઉપસ્થિત રહ્યા હતા. જનકભાઈ તળાવીયાએ પોતાના પિતાને શ્રદ્ધાંજલિ અર્પણ કરતાં જણાવ્યું હતું કે, મારા પિતા હંમેશા શિક્ષણને મહત્વ આપતા હતા. તેમની સ્મૃતિમાં આ શાળાના વિદ્યાર્થીઓને નોટબુકનું વિતરણ કરવામાં આવ્યું છે. મને આશા છે કે આ નોટબુક વિદ્યાર્થીઓને તેમના અભ્યાસમાં મદદરૂપ થશે. આ તકે શાળાના આચાર્યએ જનકભાઈ તળાવીયાનો આભાર માન્યો હતો. જનકભાઈ તળાવીયાએ ગ્રામજનો સાથે વાતચીત કરી હતી અને તેમની સમસ્યાઓ જાણી હતી.
