વડાપ્રધાન નરેન્દ્ર મોદીએ સોમવારે તેમના કેબિનેટના સાથીદારો અને ભાજપના સાંસદો સાથે ફિલ્મ ‘ધ સાબરમતી રિપોર્ટ’ જાઈ. વડાપ્રધાને સંસદ લાયબ્રેરી બિલ્ડીંગ સ્થિત બાલયોગી ઓડિટોરિયમમાં વિક્રાંત મેસી અભિનીત આ ફિલ્મ જોઈ હતી.
દિગ્ગજ અભિનેતા જિતેન્દ્ર અને રાશિ ખન્ના સહિત કેટલાક અન્ય કલાકારોએ પણ આ ફિલ્મ જોઈ અને પછી પત્રકારોને જણાવ્યું કે મોદીએ તેમને કહ્યું કે વડાપ્રધાન બન્યા પછી આ પહેલી ફિલ્મ હતી જે તેમણે જોઈ હતી. મોદીની સાથે કેન્દ્રીય મંત્રી અમિત શાહ, રાજનાથ સિંહ, નીતિન ગડકરી અને હિન્દુસ્તાની આવામ મોરચાના વડા જીતન રામ માંઝી સહિતના અન્ય નેતાઓ હાજર હતા.
ધીરજ સરના દ્વારા નિર્દેશિત આ ફિલ્મમાં ૨૭ ફેબ્રુઆરી, ૨૦૦૨ના રોજ ગોધરા ખાતે સાબરમતી એક્સપ્રેસ ટ્રેનમાં આગ લાગવાની ઘટના પાછળના સત્યનો પર્દાફાશ કરવાનો દાવો કરવામાં આવ્યો છે જેમાં ધાર્મિક કાર્યક્રમમાં હાજરી આપીને અયોધ્યાથી પરત ફરી રહેલા ૫૯ ભક્તોના મોત થયા હતા. ૧૫મી નવેમ્બરે રિલીઝ થયેલી ‘ધ સાબરમતી રિપોર્ટ’માં મેસી ઉપરાંત રાશિ ખન્ના અને રિદ્ધિ ડોગરા મુખ્ય ભૂમિકામાં છે. ફિલ્મમાં મુખ્ય ભૂમિકા ભજવનાર મેસીએ કહ્યું કે મોદી સાથે ફિલ્મ જાવાનો અનુભવ અલગ હતો, જેને શબ્દોમાં વર્ણવી શકાય તેમ નથી.
તેમણે પોતાની ખુશી વ્યક્ત કરી અને લોકોને આ ફિલ્મ જાવા માટે અપીલ કરી. તેમણે કહ્યું કે આ અનુભવ તેમની કારકિર્દીની મહત્વની ક્ષણ હતી. ફિલ્મ જાયા બાદ ‘ઠ’ પર એક પોસ્ટમાં મોદીએ ફિલ્મના નિર્માતાઓના પ્રયાસોની પ્રશંસા કરી હતી. જિતેન્દ્રએ પત્રકારોને જણાવ્યું હતું કે તેમની પુત્રી એકતા કપૂરના કારણે આ પહેલીવાર તેમણે વડાપ્રધાન સાથે ફિલ્મ જાઈ છે. જિતેન્દ્ર, જેઓ તેમના સમયના હિન્દી ફિલ્મ ઉદ્યોગના અગ્રણી અભિનેતાઓમાંના એક હતા, તેમણે કહ્યું કે, “તેમણે (મોદી) મને કહ્યું કે આ પહેલી ફિલ્મ છે જે તેમણે વડાપ્રધાન બન્યા પછી જોઈ છે.”
અભિનેત્રી રાશિ ખન્નાએ પણ આવી જ કોમેન્ટ કરી હતી અને અનુભવ પર ખુશી વ્યક્ત કરી હતી. શાસક ભાજપે આ ફિલ્મનો સક્રિયપણે પ્રચાર કર્યો છે અને ઘણી રાજ્ય સરકારોએ તેને ટેક્સમાંથી મુક્તિ આપી છે. ઘટના સમયે મોદી ગુજરાતના મુખ્ય પ્રધાન હતા, જેના કારણે કોમી રમખાણો થયા અને રાજ્ય પોલીસે ટ્રેનના કેટલાક કોચમાં આગ લગાવવા માટે મુસ્લીમ ટોળાને જવાબદાર ઠેરવ્યા.
પોલીસ દ્વારા ચાર્જશીટ કરાયેલા ઘણા આરોપીઓને બાદમાં કોર્ટમાં દોષિત ઠેરવવામાં આવ્યા હતા. આ ઘટનાએ એક મોટો રાજકીય વિવાદ ઉભો કર્યો હતો કારણ કે કોંગ્રેસના સહયોગી અને તત્કાલીન રેલ્વે મંત્રી લાલુ પ્રસાદ યાદવ દ્વારા રચાયેલ તપાસ પંચે દાવો કર્યો હતો કે આગ એક અકસ્માત હતો. જા કે, ગુજરાત હાઈકોર્ટે તેના તારણોને રદિયો આપ્યો હતો અને પંચને ગેરબંધારણીય જાહેર કર્યું હતું.
