દિલ્હીની રાઉઝ એવન્યુ કોર્ટમાં આજે એટલે કે મંગળવારે લેન્ડ ફોર જોબ કૌભાંડ કેસમાં સુનાવણી યોજાઈ હતી. આ કેસમાં કોર્ટે આરોપીઓને હાજર થવા કહ્યું હતું, ત્યારબાદ લાલુ યાદવના પુત્ર તેજ પ્રતાપ યાદવ અને હેમા યાદવ કોર્ટમાં હાજર થયા હતા. આ કેસમાં લાલુ પરિવારને મોટી રાહત મળી છે. રાઉઝ એવન્યુ કોર્ટે તમામ આરોપીઓને જામીન આપ્યા છે. કોર્ટે આરોપીને ૫૦,૦૦૦ રૂપિયાના જામીન અને એટલી જ રકમના જામીનગીરી બોન્ડ પર રાહત આપી છે.
રાઉઝ એવન્યુ કોર્ટે કહ્યું કે આ કેસમાં લાલુ અને તેજસ્વી યાદવ, રાબડી દેવી, મીસા ભારતી સહિત ૮ આરોપીઓને હાજર રહેવાની કોઈ જરૂર નથી. કારણ કે તે સીબીઆઈની પહેલી અને બીજી ચાર્જશીટમાં હાજર થઈ ચૂક્્યો છે. છેલ્લી સુનાવણીમાં, રાઉઝ એવન્યુ કોર્ટે સંજ્ઞાન લીધું હતું. આરોપીઓને ૧૧ માર્ચે કોર્ટમાં હાજર રહેવાનો આદેશ આપવામાં આવ્યો હતો. કોર્ટે હેમા, તેજ પ્રતાપ યાદવ અને અન્ય લોકોને સમન્સ મોકલ્યા હતા. લેન્ડ ફોર જાબ કૌભાંડ કેસમાં લાલુ પરિવાર સહિત ૧૦૩ લોકો આરોપી છે. અગાઉ, સીબીઆઈએ કોર્ટમાં પૂરક ચાર્જશીટ દાખલ કરી હતી.
બિહારના ભૂતપૂર્વ મુખ્યમંત્રી અને આરજેડી નેતા લાલુ પ્રસાદ યાદવના પરિવારના પાંચ સભ્યો લેન્ડ ફોર જાબ કેસમાં આરોપી છે. આમાં લાલુ પ્રસાદ યાદવ, તેમની પત્ની અને બિહારના ભૂતપૂર્વ મુખ્યમંત્રી રાબડી દેવી, તેમના પુત્ર તેજસ્વી યાદવ અને તેમની બે પુત્રીઓ મીસા ભારતી અને હેમા યાદવનો સમાવેશ થાય છે.
વાસ્તવમાં આખો મામલો ૨૦૦૪ થી ૨૦૦૯ સુધીનો છે, તે સમયે લાલુ પ્રસાદ યાદવ રેલ્વે મંત્રી હતા. આરોપ મુજબ, લાલુ યાદવ મંત્રી હતા ત્યારે અરજદારોને રેલ્વેમાં નોકરી અપાવવાના બદલામાં જમીન અને પ્લોટ લેવામાં આવ્યા હતા. એવો પણ આરોપ મૂકવામાં આવ્યો હતો કે અરજદારો પાસેથી લેવામાં આવેલી જમીન લાલુની પત્ની રાબડી દેવી અને પુત્રી મીસા ભારતના નામે લેવામાં આવી હતી. આ કૌભાંડમાં કેન્દ્રીય તપાસ એજન્સીએ ભૂતપૂર્વ કેન્દ્રીય રેલ્વે મંત્રી લાલુ પ્રસાદ યાદવ સામે કેસ ચલાવવાની પરવાનગી માંગી હતી, ગૃહ મંત્રાલયે મંજૂરી આપી હતી.
