આઇસીસી ચેમ્પિયન્સ ટ્રોફી ૨૦૨૫ ની ચોથી મેચ આજે (૨૨ ફેબ્રુઆરી ૨૦૨૫) ઓસ્ટ્રેલિયા અને ઇંગ્લેન્ડ વચ્ચે લાહોરના ગદ્દાફી સ્ટેડિયમ ખાતે રમાઈ રહી છે. જ્યાં યજમાન દેશ પાકિસ્તાન તરફથી એક મોટી ભૂલ પ્રકાશમાં આવી છે. જ્યારે બંને ટીમોના ખેલાડીઓ રાષ્ટ્રગીત માટે મેદાનમાં આવ્યા. તે દરમિયાન, આયોજકોએ ભૂલથી ઓસ્ટ્રેલિયાના રાષ્ટ્રગીતને બદલે ભારતીય રાષ્ટ્રગીત વગાડ્યું. પણ સમય જતાં, તેણે પોતાની ભૂલ સુધારી. જોકે, ત્યાં સુધીમાં ઘણું મોડું થઈ ગયું હતું. આ ઘટનાની કેટલીક તસવીરો અને વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યા છે અને લોકો પાકિસ્તાનની મજાક ઉડાવી રહ્યા છે.
તમને જણાવી દઈએ કે સુરક્ષા કારણોસર ટીમ ઇન્ડિયા તેની બધી મેચ પાકિસ્તાનને બદલે દુબઈમાં રમી રહી છે. આવી સ્થીતિમાં, આયોજકોએ કરેલી ભૂલ વિચારવા જેવી છે. વાયરલ થઈ રહેલા વીડિયોમાં સાંભળી શકાય છે કે ભારતીય રાષ્ટ્રગીત થોડી ક્ષણો માટે વાગ્યું અને પછી બંધ થઈ ગયું. ત્યારબાદ ઓસ્ટ્રેલિયાનું રાષ્ટ્રગીત વગાડવામાં આવ્યું.
પાકિસ્તાનની આ ભૂલ બાદ ઘણા ક્રિકેટ પ્રેમીઓ તેમની મજાક ઉડાવી રહ્યા છે.એક વ્યÂક્તએ પોતાની લાગણીઓ શેર કરી અને લખ્યું, ‘ભાઈ, પાકિસ્તાન પણ અવિભાજિત ભારતનો એક ભાગ છે.’ સત્ય હંમેશા બહાર આવે છે.
આજની મેચની વાત કરીએ તો, લાહોરમાં ટોસ હાર્યા બાદ, ઓસ્ટ્રેલિયન ટીમે પહેલા બોલિંગ કરવાનો નિર્ણય લીધો છે. પરંતુ તેમને તેનાથી કોઈ ખાસ ફાયદો થતો હોય તેવું લાગતું નથી. આ સમાચાર લખાઈ રહ્યા છે ત્યારે, ઈંગ્લીશ ટીમે ૨૬ ઓવરમાં બે વિકેટ ગુમાવીને ૧૭૧ રન બનાવી લીધા છે. બેન ડકેટ (૭૭) અને જા રૂટ (૫૬) ક્રીઝ પર છે. આઉટ થનારા ખેલાડીઓમાં ફિલ સોલ્ટ (૧૦) અને વિકેટકીપર-બેટ્સમેન જેમી સ્મિથ (૧૫) હતા.
