ચેમ્પિયન્સ ટ્રોફીના પહેલા રાઉન્ડમાં જ બહાર થઈ ગયેલી પાકિસ્તાની ટીમની મુશ્કેલીઓનો અંત આવવાના કોઈ સંકેત દેખાઈ રહ્યા નથી. પાકિસ્તાન ન્યુઝીલેન્ડના પ્રવાસે જવા જઈ રહ્યું છે અને રવાના થવાના માત્ર ૨૪ કલાક પહેલા, એક અનુભવી ખેલાડી ટીમ છોડીને ચાલ્યો ગયો છે. અમે વાત કરી રહ્યા છીએ પાકિસ્તાન ક્રિકેટ ટીમના બેટિંગ કોચ મોહમ્મદ યુસુફ વિશે જેમણે પોતાની પુત્રીની બીમારીને કારણે ન્યુઝીલેન્ડ પ્રવાસમાંથી પોતાનું નામ પાછું ખેંચી લીધું છે. પાકિસ્તાનના ભૂતપૂર્વ કેપ્ટન યુસુફે પાકિસ્તાન ક્રિકેટ બોર્ડને જાણ કરી છે કે તે આ પ્રવાસમાં જાડાઈ શકશે નહીં.
મોહમ્મદ યુસુફને તાજેતરમાં પાકિસ્તાન ટીમના બેટિંગ કોચ તરીકે નિયુક્ત કરવામાં આવ્યો છે. ચેમ્પિયન્સ ટ્રોફીમાં ટીમના ખરાબ પ્રદર્શન બાદ આ નિર્ણય લેવામાં આવ્યો હતો. જાકે, તેની પુત્રીની બીમારીને કારણે યુસુફે ન્યુઝીલેન્ડ પ્રવાસમાંથી ખસી ગયો.પીસીબીએ જણાવ્યું હતું કે યુસુફના સ્થાને અન્ય કોઈ કોચની પસંદગી કરવામાં આવશે નહીં અને ટીમ બુધવારે ન્યુઝીલેન્ડ જવા રવાના થશે.
પાકિસ્તાન ટીમ ન્યુઝીલેન્ડ સામે પાંચ ટી ૨૦ આંતરરાષ્ટ્રીય અને ત્રણ વનડે મેચ રમશે. યુસુફ સિવાય ટીમના કોચિંગ સ્ટાફમાં કોઈ ફેરફાર કરવામાં આવ્યો નથી. આકિબ જાવેદને ટીમના કાર્યકારી મુખ્ય કોચ તરીકે જાળવી રાખવામાં આવ્યા છે, જ્યારે અઝહર મહમૂદ સહાયક કોચ તરીકેની ભૂમિકામાં ચાલુ રહેશે.
પીસીબીએ કહ્યું છે કે ન્યુઝીલેન્ડ પ્રવાસ પછી ટીમ માટે કાયમી મુખ્ય કોચની નિમણૂક માટે જાહેરાત જારી કરવામાં આવશે. આ પહેલા આકિબ જાવેદને વચગાળાના મુખ્ય કોચ તરીકે ટીમની કમાન સોંપવામાં આવી છે. મોહમ્મદ યુસુફ પીસીબીની નેશનલ ક્રિકેટ એકેડેમીમાં સિનિયર કોચ તરીકે કામ કરે છે. તે પાકિસ્તાન ક્રિકેટમાં મહત્વપૂર્ણ ભૂમિકા ભજવવા માટે જાણીતો છે. જાકે, આ વખતે તે તેની પુત્રીની તબિયત ખરાબ હોવાને કારણે ટીમ સાથે ન્યુઝીલેન્ડ પ્રવાસે જઈ શકશે નહીં.
ઈન્ડીયન પ્રીમિયર લીગ નજીક આવતાની સાથે ન્યુઝીલેન્ડ ક્રિકેટ ટીમે પાકિસ્તાન સામેની પાંચ મેચની ટી-૨૦ શ્રેણી માટે તેના નિયમિત ખેલાડીઓને આરામ આપ્યો છે. આ કારણે ટીમમાં કેટલાક નવા ચહેરાઓને તક આપવામાં આવી છે. ચેમ્પિયન્સ ટ્રોફીમાં સારું પ્રદર્શન કરનાર માઈકલ બ્રેસવેલને ટીમનો કેપ્ટન બનાવવામાં આવ્યો છે. નિયમિત કેપ્ટન મિશેલ સેન્ટનરને આરામ આપવામાં આવ્યો છે. બ્રેસવેલ ઉપરાંત, ચેમ્પિયન્સ ટ્રોફીમાં રમનારા ૬ વધુ ખેલાડીઓને પણ ટીમમાં સામેલ કરવામાં આવ્યા છે. જાકે, ડેવોન કોનવે, લોકી ફર્ગ્યુસન, ગ્લેન ફિલિપ્સ, રચિન રવિન્દ્ર અને મર્યાદિત ઓવરોના કેપ્ટન સેન્ટનર કરારને કારણે શ્રેણી માટે ઉપલબ્ધ નથી.
