ઉત્તર પ્રદેશના ગાઝીપુરમાં એક પિતા માત્ર ૫૦ રૂપિયામાં પોતાના જ પુત્રના લોહીનો તરસ્યો બની ગયો. તેણે તેના પુત્રને મારવાનો પ્રયાસ કર્યો હતો. તેણે તેના પુત્ર પર પાવડા વડે ઘણી વખત હુમલો કર્યો. જેના કારણે તે ગંભીર રીતે ઘાયલ થયો હતો. આ પછી પિતા ત્યાંથી ફરાર થઈ ગયો હતો. પુત્રને તાત્કાલિક હોસ્પિટલ લઈ જવામાં આવ્યો. હાલ ઘાયલ પુત્રની હાલત નાજુક છે.
આ હૃદયદ્રાવક ઘટના દુલ્લાપુર પોલીસ સ્ટેશન વિસ્તારના ભગીરથપુર ગામમાં બની હતી. ગ્રામજનોનું કહેવું છે કે મોતીરામે થોડા દિવસ પહેલા તેના બીજા પુત્ર કલ્લુ ઉર્ફે રામ પ્રવેશને સાયકલને લોક કરવા માટે ૫૦ રૂપિયા આપ્યા હતા. પરંતુ કલ્લુ ઉર્ફે રામ પ્રવેશે સાયકલનું તાળું માર્યું ન હતું. ૨ મેની રાત્રે મોતીરામ અને કલ્લુ ઉર્ફે રામપ્રવેશ વચ્ચે આ બાબતે ઉગ્ર બોલાચાલી થઈ હતી. જેનાથી ગુસ્સે થઈને પિતા મોતી રામે શુક્રવારે સવારે ઘરની બહાર ખાટલા પર સૂઈ રહેલા કલ્લુ પર પાવડા વડે હુમલો કર્યો હતો. લોકો લોહીલુહાણ હાલતમાં તેને હોસ્પિટલ લઈ ગયા. યુવકની હાલત નાજુક છે. કલ્લુની ઉંમર ૨૭ વર્ષ હોવાનું કહેવાય છે.
દુલ્લાપુર પોલીસ સ્ટેશને ઘટનાસ્થળે પહોંચીને આરોપી પિતા મોતીરામને કસ્ટડીમાં લીધો હતો. તેમજ પાવડાનો કબજા લીધો હતો. મોતીરામને ૩ પુત્રો અને ત્રણ પુત્રીઓ છે, જેમાંથી બે પુત્રો ગુજરાતમાં રહે છે અને નોકરી કરે છે. બીજા પુત્ર કલ્લુ ઉર્ફે રામ પ્રવેશ કડિયાકામ કરે છે. જ્યારે, મોતીરામ ચાની દુકાન પર સખત મહેનત કરે છે.
આ મામલામાં પોલીસ સ્ટેશનના પ્રમુખ રાજેશ બહાદુર સિંહે કહ્યું કે આ મામલે તપાસ કરવામાં આવી રહી છે. પોલીસે જણાવ્યું કે પિતાએ પુત્રના માથા, ગરદન અને ખભા પર અનેક વાર હુમલો કર્યો હતો. ઘાયલ કલ્લુની હાલત એટલી ગંભીર બની ગઈ છે કે તેને વારાણસીના ટ્રોમા સેન્ટરમાં રિફર કરવામાં આવ્યો છે. કલ્લુના ભાનમાં આવવાની રાહ જાવી. તેમના નિવેદનો લેવામાં આવશે. સાથે જ પોલીસ પરિવારની પણ પૂછપરછ કરી રહી છે.
