પુષ્પા ૨ સ્ટાર અલ્લુ અર્જુનના પિતા અલ્લુ અરવિંદ આજે ૪ ડિસેમ્બરે નાસભાગમાં ઘાયલ થયેલા બાળકને મળ્યા હતા. અર્જુનના પિતા પીડિતાના પરિવારને મળ્યા હતા અને બાળકની સ્થિતિનો તાગ મેળવ્યો હતો. ૪ ડિસેમ્બરથી હોસ્પિટલમાં દાખલ બાળકની Âસ્થતિ જાણવા તેલંગાણાના આરોગ્ય સચિવ ક્રિસ્ટીના ઝેડ ચોંગથુ અને હૈદરાબાદના પોલીસ કમિશનર સી. આનંદ પણ તેમની સાથે હતા. બાદમાં તેણે મીડિયાને બાળકની હાલત વિશે જાણકારી આપી.
પોલીસ કમિશનર સી.વી. આનંદે જણાવ્યું કે ઈજાના કારણે બાળકના મગજ પર ખરાબ અસર પડી છે. તેણે કહ્યું, ‘જ્યારે તે નાસભાગમાં ઘાયલ થયો હતો, ત્યારે તેના મગજમાં ઓક્સીજન પહોંચી શક્યો ન હતો અને તેના કારણે તેની સ્થિતિ પર વિપરીત અસર થઈ હતી. ડોક્ટરોની ટીમ કહી રહી છે કે તેને સાજા થવામાં સમય લાગશે. બાળક હાલ વેÂન્ટલેટર પર છે અને તેની સતત તપાસ ચાલી રહી છે. અલ્લુ અર્જુનના પિતા પીડિતાના પિતા અને પરિવારના સભ્યોને પણ મળ્યા હતા.
તમને જણાવી દઈએ કે ૪ ડિસેમ્બરે પુષ્પા ૨ ની સ્ક્રીનિંગ દરમિયાન હૈદરાબાદમાં એક મોટો અકસ્માત થયો હતો. અલ્લુ અર્જુન થિયેટરની બહાર આવતાની સાથે જ અચાનક હજારો લોકોની ભીડ એકઠી થઈ ગઈ. આ ભીડમાં લોકો અલ્લુ અર્જુનને મળવા માટે એવી રીતે કૂદવા લાગ્યા કે ભાગદોડ મચી ગઈ. આ નાસભાગમાં એક મહિલાનું મોત થયું હતું અને તેનો પુત્ર ગંભીર રીતે ઘાયલ થયો હતો. હૈદરાબાદ પોલીસે આ કેસમાં અલ્લુ અર્જુનની ધરપકડ પણ કરી હતી. અભિનેતાએ ૧૩ ડિસેમ્બરના રોજ જેલમાં એક રાત વિતાવી અને બીજા દિવસે જામીન પર મુક્ત થયો.
જાકે, ધરપકડથી ફિલ્મના કલેક્શન પર કોઈ અસર થઈ ન હતી, બલ્કે અલ્લુ અર્જુનની ધરપકડ બાદ કલેક્શન વધ્યું હતું. તેનું ચોખ્ખું ભારતીય કલેક્શન હાલમાં રૂ. ૯૫૩.૩ કરોડનું છે, જેમાં તેના ડબ કરેલા હિન્દી સંસ્કરણનો મોટો ફાળો છે. તેનું કુલ કલેક્શન ૧,૪૦૦ રૂપિયા છે અને હવે મેકર્સ તેની સિક્વલ પુષ્પા ૩ઃ ધ રેમ્પેજ પર કામ કરી રહ્યા છે.
