પૂર્વ વડાપ્રધાન ડા.મનમોહન સિંહની અસ્થિઓને રવિવારે દિલ્હીના ગુરુદ્વારા મજનુ કા ટીલામાં લાવવામાં આવી હતી. તેમની અસ્થિઓ યમુના ઘાટ પર વિસર્જન કરવામાં આવી હતી. અહીં શબદ કીર્તન, પારાયણ અને અરદાસ કરવામાં આવશે. પૂર્વ વડા પ્રધાનના અંતિમ સંસ્કાર શનિવારે અહીં નિગમ બોધ ઘાટ ખાતે પૂર્ણ રાજ્ય સન્માન સાથે કરવામાં આવ્યા હતા.
મીડિયા સાથે વાત કરતા રાજ્યસભા સાંસદ વિક્રમજીત સિંહ સાહનીએ કહ્યું કે આજે પૂર્વ પીએમ મનમોહન સિંહની અસ્થિઓ યમુનામાં વિસર્જન કરવામાં આવી હતી. તે પહેલા તેમની અસ્થિઓ અહીં (ગુરુદ્વારા મજનુ કા ટીલા) રાખવામાં આવી હતી. ગુરુદ્વારામાં શબ્દ કીર્તન, પાઠ અને અરદાસ કરવામાં આવશે. યમુનામાં તેમની અસ્થિ વિસર્જન કર્યા પછી, તેમના પરિવારના સભ્યો પ્રાર્થના માટે ગુરુદ્વારા આવશે.
પૂર્વ વડાપ્રધાન મનમોહન સિંહના અંતિમ સંસ્કાર નિગમ બોધ ઘાટ ખાતે સંપૂર્ણ સરકારી સન્માન સાથે કરવામાં આવ્યા છે. તેમની અંતિમ વિદાય વખતે ભૂટાનના રાજા જિગ્મે ખેસર નામગ્યેલ વાંગચુક, વડાપ્રધાન નરેન્દ્ર મોદી, રાષ્ટ્રપતિ દ્રૌપદી મુર્મુ અને અન્યો હાજર રહ્યા હતા. અંતિમ સંસ્કાર પહેલા તેમના પાર્થિવ દેહને કોંગ્રેસ મુખ્યાલયમાં લઈ જવામાં આવ્યો હતો.
પ્રિયંકા ગાંધી, સોનિયા ગાંધી, રાહુલ ગાંધી અને મલ્લીકાર્જુન ખડગે સહિત કોંગ્રેસના મોટા નેતાઓ ત્યાં હાજર હતા. રાહુલ ગાંધીએ પણ તેમની સ્મશાનયાત્રામાં કાંધ લીધી હતી. તેમની મોટી પુત્રી ઉપિન્દર સિંહે અંતિમ સંસ્કાર કર્યા. પૂર્વ વડાપ્રધાનના નિધન પર યુપીમાં ૭ દિવસના રાષ્ટ્રીય શોકની જાહેરાત કરવામાં આવી હતી. મોરેશિયસમાં પણ પૂર્વ વડાપ્રધાનના સન્માનમાં ધ્વજ અડધી ઝુકાવવામાં આવ્યો છે.
