વિજય દેવેરાકોંડા, રાણા દગ્ગુબાતી, તમન્ના, પ્રકાશ રાજ જેવા કલાકારો સામે સટ્ટાબાજીની એપ્સને પ્રોત્સાહન આપવા બદલ કેસ નોંધાયાના એક દિવસ પછી, હવે બીજી નવી માહિતી પ્રકાશમાં આવી રહી છે. દક્ષિણના ઘણા અન્ય સુપરસ્ટાર સામે સાયબર ક્રાઇમની ફરિયાદો દાખલ કરવામાં આવી છે. પ્રભાસ, નંદમુરી બાલકૃષ્ણ અને ગોપીચંદ પર ગેરકાયદેસર સટ્ટાબાજી એપ્લિકેશનને પ્રોત્સાહન આપવાનો આરોપ હતો.
અરજદાર રામા રાવ ઈમ્માનાનીના જણાવ્યા અનુસાર, ટોક શો દરમિયાન ગેરકાયદેસર સટ્ટાબાજી એપ્લિકેશનોને કથિત રીતે સમર્થન આપવામાં આવ્યું હતું. આ ખાસ એપિસોડમાં પ્રભાસ અને ગોપીચંદ મહેમાન તરીકે હતા અને બાલકૃષ્ણ હોસ્ટ હતા. અરજદારનો દાવો છે કે આ પ્લેટફોર્મ દ્વારા તેમણે ૮૦ લાખ રૂપિયા ગુમાવ્યા છે. તેમની ફરિયાદથી લોકોને છેતરપિંડી યોજનાઓમાં ફસાવવા માટે સેલિબ્રિટી પ્રભાવનો દુરુપયોગ કરવાના વિવાદાસ્પદ વિષય પર ફરીથી પ્રકાશ પડ્યો છે.
અધિકારીઓ હાલમાં ગેમિંગ સુધારા કાયદા હેઠળ આરોપોની તપાસ કરી રહ્યા છે. અહેવાલો અનુસાર, અરજદારે શરૂઆતમાં એપ દ્વારા નફો કર્યો હોવા છતાં, પાછળથી તેણે ઘણા પૈસા ગુમાવ્યા, જેના કારણે તે દેવામાં ડૂબી ગયો. અહેવાલ મુજબ તેઓએ એપ્લિકેશનની પ્રમોશનલ પ્રવૃત્તિઓને દોષી ઠેરવી હતી, જેણે વપરાશકર્તાઓને નાણાંનું રોકાણ કરવા માટે પ્રોત્સાહિત કર્યા હતા.
ફરિયાદીએ રાષ્ટ્રીય સુરક્ષા જાખમોનો હવાલો આપીને અધિકારીઓને આ એપ્લિકેશનની જાહેર ઍક્સેસને અવરોધિત કરવા વિનંતી કરી. આ એપ પર લોકોને ગેમ રમવા અને પૈસા ગુમાવવાની લાલચ આપીને છેતરવાનો આરોપ છે, જેમાં એકાઉન્ટ દ્વારા પૈસા મોકલવામાં આવે છે. આ એપ પ્રતિબંધિત ચાઇનીઝ ગેમિંગ પ્લેટફોર્મ સાથે જાડાયેલી હોવાનું કહેવાય છે, જે તેલંગાણા ગેમિંગ સુધારા અધિનિયમ, ૨૦૧૭ અને ડિજિટલ મીડિયા એથિક્સ કોડનું ઉલ્લંઘન કરે છે. તેલંગાણા આરટીસીના એમડી સજ્જનાર પણ આ ગેરકાયદેસર સટ્ટાબાજી એપ્લિકેશનો સામે સક્રિયપણે ઝુંબેશ ચલાવી રહ્યા છે.
