ઉત્તર પ્રદેશના પ્રયાગરાજમાં સોમવારથી મહાકુંભનું આયોજન શરૂ થઈ ગયું છે. આખું પ્રયાગરાજ ભક્તોની ભીડથી ભરેલું છે અને સવારથી લાખો લોકો ત્રિવેણી સંગમમાં ડૂબકી લગાવી રહ્યા હતાં. તમને જણાવી દઈએ કે પ્રયાગરાજ મહાકુંભમાં ૪૦ કરોડથી વધુ ભક્તો ભાગ લે તેવી અપેક્ષા છે. હવે આ મોટા પ્રસંગે, ભારતના વડા પ્રધાન નરેન્દ્ર મોદીએ પણ એક ખાસ સંદેશ આપ્યો છે. પીએમ મોદીએ મહાકુંભની શરૂઆતને ભારતીય મૂલ્યો અને સંસ્કૃતિને વળગી રહેનારાઓ માટે ખૂબ જ ખાસ દિવસ ગણાવ્યો છે.
પ્રધાનમંત્રી નરેન્દ્ર મોદીએ સોમવારે સવારે ટ્વીટ કરીને કહ્યું – “પોષ પૂર્ણિમાના પવિત્ર સ્નાન સાથે, આજથી પ્રયાગરાજની પવિત્ર ભૂમિ પર મહાકુંભ શરૂ થઈ ગયો છે. આપણી શ્રદ્ધા અને સંસ્કૃતિ સાથે જોડાયેલા આ દિવ્ય પ્રસંગે, હું તમામ ભક્તોને શુભેચ્છા પાઠવું છું.” મારા હૃદયથી તમને સલામ અને અભિનંદન. હું ઈચ્છું છું કે ભારતીય આધ્યાત્મીક પરંપરાનો આ મહાન ઉત્સવ તમારા બધાના જીવનમાં નવી ઉર્જા અને ઉત્સાહ લાવે.”
પ્રધાનમંત્રી મોદીએ કહ્યું છે કે પ્રયાગરાજમાં મોટી સંખ્યામાં ભક્તો આવતા જાઈને તેઓ ખુશ છે. અસંખ્ય લોકો પ્રયાગરાજ આવી રહ્યા છે, પવિત્ર સ્નાન કરી રહ્યા છે અને ભગવાનના આશીર્વાદ મેળવી રહ્યા છે. પીએમ મોદીએ યાત્રાળુઓ અને પ્રવાસીઓને અદ્ભુત રોકાણની શુભેચ્છા પણ પાઠવી.
