બાંગ્લાદેશમાં સત્તા પરિવર્તન થયા બાદથી ભારત સાથેની સરહદ પર સતત અપ્રિય ઘટનાઓ જોવા મળી રહી છે. ક્યારેક ગોળીબારના તો ક્યારેક અથડામણના સમાચાર આવતા રહે છે. આ દરમિયાન, પશ્ચિમ બંગાળમાં ભારત-બાંગ્લાદેશ સરહદ પર ફરી એકવાર એક અપ્રિય ઘટના બની છે. શુક્રવારે બોર્ડર સિક્યુરિટી ફોર્સ (મ્જીહ્લ) એ અહીં દાણચોરીના પ્રયાસને નિષ્ફળ બનાવતા એક અજાણ્યા વ્યક્તિનું મોત નીપજ્યું હતું અને એન્કાઉન્ટરમાં એક જવાન ઘાયલ થયો હતો. એક પ્રવક્તાએ આ માહિતી આપી.
આ ઘટના શુક્રવારે વહેલી સવારે દાર્જિલિંગ જિલ્લાના ખાલપારા ગામ પાસે બની હતી. બીએસએફના પ્રવક્તાએ જણાવ્યું હતું કે ૧૫ થી ૨૦ બાંગ્લાદેશી બદમાશોનું એક જૂથ ગેરકાયદેસર રીતે આંતરરાષ્ટ્રીય સરહદ પાર કરીને ભારતીય ક્ષેત્રમાં ઘૂસી ગયું હતું. પ્રવક્તાએ જણાવ્યું હતું કે આ લોકો પશુઓ અને પ્રતિબંધિત માલની દાણચોરી માટે ભારતીય ક્ષેત્રના ગુનેગારો સાથે સાંઠગાંઠમાં છે.
તેમણે કહ્યું કે જ્યારે મ્જીહ્લ પેટ્રોલિંગ ટીમે તેમને આત્મસમર્પણ કરવાનું કહ્યું, ત્યારે બધા બદમાશોએ તેમના પર તીક્ષ્ણ હથિયારો અને લાકડીઓથી હુમલો કર્યો, તેમણે પથ્થરમારો પણ કર્યો. બદમાશોએ એક સૈનિક પાસેથી હથિયાર છીનવી લેવાનો પ્રયાસ કર્યો. પ્રવક્તાએ કહ્યું, “પોતાના જીવને જાખમ હોવાનું અનુભવીને, જવાને પોતાની રાઇફલમાંથી ગોળીબાર કર્યો અને બદમાશો ભાગી ગયા.”
તેમણે કહ્યું કે બીએસએફનો એક જવાન “ગંભીર રીતે ઘાયલ” થયો હતો અને ઘટનાસ્થળે એક અજાણ્યા વ્યક્તિનો મૃતદેહ મળી આવ્યો હતો. તેમણે કહ્યું કે બાંગ્લાદેશી દાણચોરોએ સરહદ પર સુરક્ષા વાડને નુકસાન પહોંચાડ્યું છે. તેમણે કહ્યું કે મૃતકોની રાષ્ટ્રીયતા જાહેર કરી શકાતી નથી.
