બાંગ્લાદેશમાં વચગાળાની સરકારના વડા મોહમ્મદ યુનુસે સગીરોને પણ મત આપવાનો અધિકાર આપવાની ભલામણ કરી છે. જો આ પ્રસ્તાવ સ્વીકારવામાં આવશે તો બાંગ્લાદેશમાં સગીરો એટલે કે ૧૮ વર્ષથી ઓછી ઉંમરના લોકો પણ મતદાન કરવા માટે લાયક બનશે. જો કે, બાંગ્લાદેશ નેશનાલિસ્ટ પાર્ટીએ વચગાળાના સરકારના મુખ્ય સલાહકાર મોહમ્મદ યુનુસની ભલામણની ટીકા કરી હતી કે લઘુત્તમ મતદાન વય ઘટાડીને ૧૭ વર્ષ કરવામાં આવે.
બીએનપીએ કહ્યું કે આનાથી ચૂંટણી પંચ પર દબાણ આવશે અને ચૂંટણી પ્રક્રિયામાં વિલંબ થઈ શકે છે. ઢાકા ટ્રિબ્યુને અહેવાલ આપ્યો હતો કે ઓગસ્ટમાં શેખ હસીનાની આગેવાની હેઠળની સરકારના પતન પછી વચગાળાની સરકારના વડા તરીકે નિયુક્ત કરાયેલા યુનુસ (૮૪)એ શુક્રવારે લઘુત્તમ મતદાન વય ઘટાડીને ૧૭ વર્ષ કરવાની ભલામણ કરી હતી. ચૂંટણી સંવાદમાં પ્રસારિત એક વીડિયો સંદેશમાં યુનુસે કહ્યું હતું કે, “મને લાગે છે કે વોટિંગની લઘુત્તમ ઉંમર ૧૭ વર્ષ કરવી જોઈએ જેથી કરીને (યુવાનો) તેમના ભવિષ્ય વિશે અભિપ્રાય આપી શકે.”
બીએનપીના જનરલ સેક્રેટરી મિર્ઝા ફખરુલ ઈસ્લામ આલમગીરે ઢાકામાં જાટિયા પ્રેસ ક્લબમાં ચર્ચા દરમિયાન કહ્યું કે મુખ્ય સલાહકારના મતની ઉંમર ઘટાડીને ૧૭ વર્ષ કરવાના સૂચનનો અર્થ એ છે કે નવી મતદાર યાદી તૈયાર કરવી પડશે. તેમણે તેમને કહ્યું, “હવે લોકોને ડર લાગશે કે હજુ વધુ સમય વેડફાશે અને વધુ વિલંબ થશે (ચૂંટણી પ્રક્રિયામાં).” આલમગીરે કહ્યું કે લોકોમાં એવી ધારણા છે કે વચગાળાની સરકાર ઇરાદાપૂર્વક ચૂંટણી પ્રક્રિયામાં વિલંબ કરવાનો પ્રયાસ કરી રહી છે. “પણ મને એવંધ નથી લાગતું,” તેણે કહ્યું. બીએનપીના નેતાએ કહ્યું કે મુખ્ય સલાહકારે હિતધારકોની સલાહ લીધા વિના આ મુદ્દો ઉઠાવવો જોઈતો ન હતો.
તેમણે કહ્યું, “તમે ચીફ એક્જ્હીક્યુટિવ છો અને તમે કહ્યું છે કે ૧૭ વર્ષ યોગ્ય ઉંમર છે. જ્યારે તમે આ કહો છો, ત્યારે તે ચૂંટણી પંચ માટે બંધનકર્તા બની જાય છે. આલમગીરે કહ્યું કે સરકારે આ મુદ્દો ચૂંટણી પંચ પર છોડવો જોઈતો હતો, જેથી તે યોગ્ય નિર્ણય લઈ શકે. તેમણે કહ્યું કે હાલમાં દેશમાં મતદાન માટેની લઘુત્તમ વય ૧૮ વર્ષ છે. “જો તમે તેને એક વર્ષ ઘટાડવા માંગો છો, તો નવા ચૂંટણી પંચને તેનો પ્રસ્તાવ અને રાજકીય પક્ષો સાથે ચર્ચા કરવા દો,બીએનપી નેતાએ કહ્યું. યુનુસે ૧૬ ડિસેમ્બરે તેમના ‘વિજય દિવસ’ના સંબોધન દરમિયાન સંકેત આપ્યો હતો કે ૨૦૨૬ની શરૂઆતમાં ચૂંટણી યોજાઈ શકે છે. તેમણે કહ્યું હતું કે, “મોટા અર્થમાં કહીએ તો, ચૂંટણી ૨૦૨૫ ના અંત અને ૨૦૨૬ ના પહેલા ભાગની વચ્ચે નક્કી કરી શકાય છે. મતદાર યાદી અપડેટ કરીને ચૂંટણી યોજાશે.
