બાબરા ખાતે નવી મામલતદાર કચેરીના નવા બિલ્ડિંગનું ખાતમુહૂર્ત ધારાસભ્ય જનકભાઈ તળાવિયાના હસ્તે કરવામાં આવ્યું હતું. આ નવી કચેરી બનવાથી બાબરા પંથકના લોકોને આધુનિક સુવિધાઓ સાથેની સરકારી સેવાઓ મળશે. આ નવા બિલ્ડિંગનું નિર્માણ અંદાજિત ૫ કરોડ ૭૫ લાખ રૂપિયાના ખર્ચે કરવામાં આવશે. આ પ્રોજેક્ટના શુભારંભ પ્રસંગે જિલ્લા પંચાયત સભ્યો, તાલુકા પંચાયતના પ્રમુખ અને સભ્યો, નગરપાલિકાના પ્રમુખ અને સભ્યો, જિલ્લા ભાજપ મહામંત્રી, તાલુકા ભાજપ પ્રમુખ અને મહામંત્રી, પૂર્વ પ્રમુખો, ભાજપ યુવા મોરચાના હોદ્દેદારો, કાર્યકર્તાઓ અને બાબરાના નગરજનો મોટી સંખ્યામાં ઉપસ્થિત રહ્યા હતા. ધારાસભ્ય જનકભાઈ તળાવિયાએ આ પ્રસંગે જણાવ્યું હતું કે, આ નવી મામલતદાર કચેરી બનવાથી બાબરા પંથકના લોકોને સરળતાથી અને ઝડપથી સરકારી કામકાજ થઈ શકશે. આ સાથે જ તેમણે આ પ્રોજેક્ટને સમયસર પૂર્ણ કરવા માટે અધિકારીઓને સૂચના આપી હતી.
