ગીર સોમનાથ જિલ્લાની એસ.ઓ.જી. ટીમે એક મહત્વપૂર્ણ સફળતા હાંસલ કરી છે. ઉનાના કંસારી ગામ નજીકથી એક વ્યક્તિને બાર વર્ષ જૂની બાઈક ચોરીના કેસમાં પકડી પાડવામાં આવ્યો છે. એ.એસ.આઈ. ઇબ્રાહીમશા બાનવા અને ધર્મેન્દ્રસિંહ ગોહિલને મળેલી બાતમીના આધારે, ઉના બાયપાસ પર આવેલી કંસારી ચોકડી પાસેથી પ્રવિણ હરિસિંહ ચૌહાણને બાઈક નંબર GJ-10-AQ-4527 સાથે પકડી પાડવામાં આવ્યો છે. આ કેસ ૬ જુલાઈ, ૨૦૧૨ના રોજ જામનગર સિટી બી ડિવિઝન પોલીસ સ્ટેશનમાં નોંધાયો હતો, જેમાં ipc કલમ ૩૭૯ હેઠળ ગુનો દાખલ કરવામાં આવ્યો હતો. બાર વર્ષ બાદ આ કેસનો ઉકેલ આવ્યો છે.
