પટણાના બાપુ ઓડિટોરિયમમાં યોજાયેલી રાજ્ય પરિષદની બેઠકમાં ભાજપના નવા પ્રદેશ પ્રમુખ તરીકે દિલીપ જયસ્વાલના નામની ઔપચારિક જાહેરાત કરવામાં આવી. આ ઐતિહાસિક પ્રસંગે, કેન્દ્રીય મંત્રી અને પરિષદના પ્રભારી મનોહર લાલ ખટ્ટરે તેમના રાજ્યાભિષેકની જાહેરાત કરી. રાજ્ય ભાજપ સંગઠનના આ મોટા નિર્ણય સાથે, પાર્ટીએ તેની આગામી ચૂંટણી રણનીતિને વધુ તીવ્ર બનાવવાનો સંકેત આપ્યો છે.
આ મહત્વપૂર્ણ બેઠકમાં રાજ્ય પ્રભારી વિનોદ તાવડે, સહ-પ્રભારી દીપક પ્રકાશ, નાયબ મુખ્યમંત્રીઓ સમ્રાટ ચૌધરી અને વિજય સિંહા, કેન્દ્રીય મંત્રીઓ ગિરિરાજ સિંહ, નિત્યાનંદ રાય, સાંસદો રાધા મોહન સિંહ, રવિશંકર પ્રસાદ અને સંજય જયસ્વાલ સહિત પાટીર્ના તમામ મોટા ચહેરાઓ હાજર રહ્યા હતા. ઉપરાંત, રાજ્યથી માંડલ સ્તર સુધીના લગભગ ૧૫,૦૦૦ કાર્યકરોની હાજરીએ તેને ભાજપ માટે શક્તિ પ્રદર્શન બનાવ્યું.
દિલીપ જયસ્વાલ બિહાર ભાજપમાં એક મજબૂત અને અનુભવી સંગઠક તરીકે જાણીતા છે. તેમણે પાટીર્માં વિવિધ હોદ્દા પર કામ કર્યું છે અને પાયાના સ્તરે કાર્યકરોમાં તેમની મજબૂત પકડ હોવાનું માનવામાં આવે છે. આગામી ચૂંટણીમાં ભાજપ માટે પ્રદેશ પ્રમુખ તરીકે તેમની નિમણૂક મહત્વપૂર્ણ સાબિત થઈ શકે છે. બેઠકમાં, પાટીર્ના નેતાઓએ બિહારમાં ભાજપને વધુ મજબૂત કરવા, બૂથ સ્તરે સંગઠનનો વિસ્તાર કરવા અને ૨૦૨૫ની વિધાનસભા ચૂંટણીમાં પાર્ટીની સ્થિતિને વધુ મજબૂત બનાવવાની રણનીતિ પર વિચાર-વિમર્શ કર્યો. નવા પ્રદેશ પ્રમુખની પસંદગી સાથે, ભાજપે સ્પષ્ટ કરી દીધું છે કે તે રાજ્યમાં આક્રમક ચૂંટણી મોડમાં પ્રવેશી ગયું છે.
દિલીપ જયસ્વાલને પ્રદેશ પ્રમુખ તરીકે ચૂંટવાની પ્રક્રિયા સોમવારથી જ શરૂ થઈ ગઈ હતી. તેમણે પાટીર્ના ચૂંટણી અધિકારી અને પ્રદેશ મહાસચિવ રાજેશ વર્મા સમક્ષ પ્રદેશ પ્રમુખ પદ માટે પોતાનું નામાંકન દાખલ કર્યું હતું. ડેપ્યુટી સીએમ સમ્રાટ ચૌધરી અને વિજય સિંહા, મંત્રી મંગલ પાંડે અને એમએલસી સંજય મયૂખ તેમના પ્રસ્તાવક બન્યા. નિયમો અનુસાર, દિલીપ જયસ્વાલ ૨૦૨૫ થી ૨૦૨૭ સુધી પ્રમુખ રહેશે.
