(એ.આર.એલ),નવીદિલ્હી,તા.૨૬
સુપ્રીમ કોર્ટે શુક્રવારે કેન્દ્ર સરકારના સચિવો, પશ્ચિમ બંગાળ અને કેરળના રાજ્યપાલો પાસેથી બિલને મંજૂરી ન આપવાના મુદ્દે જવાબ માંગ્યો છે. રાજ્ય સરકારોએ આ મામલે અરજીઓ દાખલ કરી હતી, સુપ્રીમ કોર્ટે આ અરજીઓ પર જવાબ માંગ્યો છે. ચીફ જÂસ્ટસ ડીવાય ચંદ્રચુડ, જસ્ટસ જેબી પારડીવાલા અને જસ્ટસ મનોજ મિશ્રાની બેંચે કેન્દ્રીય ગૃહ મંત્રાલયના સચિવો અને બંને રાજ્યપાલોને નોટિસ પાઠવી છે. કેરળ તરફથી હાજર રહેલા વરિષ્ઠ વકીલ કેકે વેણુગોપાલે કહ્યું કે તેઓ રાષ્ટÙપતિની વિચારણા માટે બિલ મોકલવાના રાજ્યપાલના નિર્ણયને પડકારી રહ્યા છે.
પશ્ચિમ બંગાળ તરફથી હાજર રહેલા વરિષ્ઠ વકીલ અભિષેક સિંઘવી અને જયદીપ ગુપ્તાએ કહ્યું કે જ્યારે પણ કોઈ મામલો સુપ્રીમ કોર્ટમાં સૂચિબદ્ધ થાય છે, ત્યારે રાજ્યપાલ કાર્યાલય રાષ્ટપતિને બિલ મોકલે છે. રાજ્ય સરકારોએ રાજ્યપાલો દ્વારા અનેક બિલોને મંજૂર કરવામાં કથિત વિલંબ અંગે ચિંતા વ્યક્ત કરી હતી. આ વિવાદ રાજ્યપાલ દ્વારા રાજ્યની વિધાનસભાઓ દ્વારા પસાર કરાયેલા બિલને મંજૂરી ન આપવાથી સંબંધિત છે. રાજ્ય સરકારો આક્ષેપ કરે છે કે રાજ્યપાલ આ બિલોને તેમની સંમતિ આપતા નથી, જેનાથી જનતાના લાભના હેતુથી મહત્વપૂર્ણ કાયદાકીય પગલાંમાં વિલંબ થાય છે. રાજ્ય સરકારોની અરજી પર સુપ્રીમ કોર્ટે રાજ્યપાલની કચેરીઓ અને કેન્દ્રને નોટિસ પાઠવી છે.
