બ્રિટિશ નાણામંત્રી રશેલ રીવ્સ બંને દેશો વચ્ચે આર્થિક અને નાણાકીય સહયોગને પ્રોત્સાહન આપવા માટે આ સપ્તાહના અંતે ચીનની મુલાકાતે આવી રહ્યા છે. બ્રિટનની લેબર સરકાર બેઇજિંગ સાથેના તણાવપૂર્ણ સંબંધોને સુધારવાનો પ્રયાસ કરી રહી છે.
નાણા મંત્રાલયે કહ્યું કે રીવ્સની મુલાકાતનો હેતુ બંને દેશો વચ્ચેના સંબંધોમાં સ્થિરતા લાવવાનો અને બ્રિટનની નબળી અર્થવ્યવસ્થાને વેગ આપવાનો છે. આ ઉપરાંત, ચીન-યુકે આર્થિક અને નાણાકીય સંવાદ ફરી શરૂ થવાનો છે, જે ૨૦૧૯ થી કોવિડ-૧૯ રોગચાળા અને બગડતા સંબંધોને કારણે સ્થગિત છે. યુકે માને છે કે આ સંવાદ વેપાર અને રોકાણમાં આવતા અવરોધોને ઘટાડવામાં મદદ કરશે.
તમને જણાવી દઈએ કે, નાણામંત્રી બેઇજિંગ અને શાંઘાઈની મુલાકાત લેશે. તે ચીનના નાયબ વડા પ્રધાન હી લાઇફેંગને પણ મળશે. આ સમય દરમિયાન, એવી અપેક્ષા રાખવામાં આવે છે કે યુક્રેન યુદ્ધમાં રશિયાની મદદ રોકવા અને હોંગકોંગમાં નાગરિક અધિકારોના ઉલ્લંઘન પર પણ વાતચીત થઈ શકે છે.
આ પ્રતિનિધિમંડળમાં બેંક ઓફ ઈંગ્લેન્ડના ગવર્નર એન્ડ‰ બેઈલી અને લંડન સ્ટોક એક્સચેન્જ ગ્રુપના સીઈઓ સહિત યુકેના અગ્રણી નાણાકીય સેવાઓના અધિકારીઓનો સમાવેશ થશે. આ ઉપરાંત, બ્રિટનની કેટલીક સૌથી મોટી નાણાકીય સેવા કંપનીઓના વરિષ્ઠ અધિકારીઓ હાજર રહેશે, જેમાં ૐજીમ્ઝ્ર અને સ્ટાન્ડર્ડ ચાર્ટર્ડના ગ્રુપ ચેરમેનનો સમાવેશ થાય છે. તે જ સમયે, તે જગુઆર લેન્ડ રોવર અને ડિયાજિયો જેવી મોટી કંપનીઓની મુલાકાત પણ લઈ શકે છે.
આ મુલાકાત ઓક્ટોબરમાં બ્રિટિશ વિદેશ સચિવ ડેવિડ લેમીની ચીનની મુલાકાત અને નવેમ્બરમાં જી૨૦ સમિટ દરમિયાન વડા પ્રધાન કીર સ્ટાર્મરની ચીનના રાષ્ટ્રીતિ શી જિનપિંગ સાથેની મુલાકાત બાદ થઈ રહી છે. સ્ટાર્મરનો ઉદ્દેશ્ય ચીન સાથે રાજકીય અને આર્થિક સંબંધોને મજબૂત બનાવવાનો છે, જ્યારે વિપક્ષી કન્ઝર્વેટિવ પાર્ટીના કેટલાક સભ્યોએ આ અંગે પ્રશ્ન ઉઠાવ્યો છે, અને કહ્યું છે કે વેપાર સંબંધોએ રાષ્ટ્રીય સુરક્ષા અને માનવ અધિકારોના મુદ્દાઓ સાથે સમાધાન ન કરવું જાઈએ.
