પ્રયાગરાજમાં મહાકુંભમાં સ્નાન કરવા માટે દરરોજ ભક્તોની ભારે ભીડ ઉમટી રહી છે, જેના કારણે આખું શહેર ભરાયેલું છે.ભીડની સ્થિતિ એવી છે કે લોકો ૨૦ મિનિટનું અંતર કાપવા માટે કલાકો સુધી જામમાં ફસાયેલા રહે છે. પ્રયાગરાજમાં મહાકુંભ મેળાના તમામ રૂટ પર કેટલાક કિલોમીટર સુધી ટ્રાફિક ખોરવાયો હતો. ભીડ એટલી બધી હતી કે પ્રયાગરાજ સંગમ રેલ્વે સ્ટેશન બંધ થઈ ગયું. મેળા પ્રશાસન દ્વારા જાહેર કરાયેલા આંકડા મુજબ, ૧૩ જાન્યુઆરીથી ૯ ફેબ્રુઆરી સુધીમાં ૪૩.૫૭ કરોડથી વધુ ભક્તોએ સંગમમાં ડૂબકી લગાવી છે.
ટ્રાફિક એડીસીપી કુલદીપ સિંહે જણાવ્યું હતું કે, “વાહનોની સંખ્યા ખૂબ વધારે છે અને મુસાફરો શક્ય તેટલી વહેલી તકે તેમના ગંતવ્ય સ્થાન પર પહોંચવા માટે શક્ય તેટલી નજીક જવાનો પ્રયાસ કરી રહ્યા છે. આના કારણે, લાંબો ટ્રાફિક જામ થાય છે અને આ ભીડને કારણે, અમારે મૌની અમાવસ્યાની વ્યવસ્થા લાગુ કરવી પડે છે. તેમણે કહ્યું કે, મૌની અમાવસ્યા પર જેટલી ભીડ આવી હતી તેટલી જ હવે ભીડ આવી રહી છે. દૂરનો પા‹કગ લોટ ૫૦ ટકા ભરેલો છે. નજીકનું પા‹કગ એક નાનું પા‹કગ છે જ્યારે દૂરનું પા‹કગ મોટું છે, છતાં વાહનોની લાઇન લાગેલી છે.
તેમણે કહ્યું કે આઇઇઆરટી અને બગડા પા‹કગ (મેળા વિસ્તારની નજીક) માં ૪,૦૦૦ થી ૫,૦૦૦ વાહનો પાર્ક કરવાની ક્ષમતા છે, જ્યારે નહેરુ પાર્ક અને બેલા કચર જેવા દૂરના પા‹કગ સ્થળોએ ૨૦,૦૦૦-૨૫,૦૦૦ વાહનો પાર્ક કરી શકાય છે. સ્નાન મહોત્સવ દરમિયાન સ્થાનિક લોકોના વાહનો દોડતા નથી, પરંતુ હાલમાં તમામ પ્રકારના વાહનો દોડી રહ્યા છે. સિંહે કહ્યું કે ગયા કુંભ (૨૦૧૯) માં, ખાસ કરીને સામાન્ય દિવસોમાં, આટલી ભીડ નહોતી, પરંતુ આ વખતે સામાન્ય દિવસોમાં પણ આટલી મોટી ભીડ આવી રહી છે. તેમણે એમ પણ કહ્યું કે આગામી થોડા દિવસો સુધી ભક્તોની ભીડ ઓછી થવાની કોઈ શક્યતા નથી.
દરમિયાન, લખનૌના સિનિયર ડિવિઝનલ કોમર્શિયલ મેનેજર (ઉત્તરી રેલ્વે) કુલદીપ તિવારીએ જણાવ્યું હતું કે, પ્રયાગરાજ સંગમ સ્ટેશનની બહાર ભારે ભીડને કારણે મુસાફરોને સ્ટેશનની બહાર નીકળવામાં મુશ્કેલી પડી રહી હતી, તેથી પ્રયાગરાજ સંગમ સ્ટેશન બંધ કરવાનો નિર્ણય લેવામાં આવ્યો છે. હવે મુસાફરોએ તેમની ટ્રેન પકડવા માટે પ્રયાગરાજ જંક્શન જવું પડશે. રેલવે અધિકારીઓનું કહેવું છે કે ભીડ કાબુમાં આવ્યા પછી સ્ટેશન ફરીથી ખોલવામાં આવશે. વહીવટીતંત્રે મુસાફરોને સૂચનાઓનું પાલન કરવાની અપીલ કરી છે. શ્રદ્ધાળુઓની સુવિધા માટે વધારાની ટ્રેનો ચલાવવાનો પણ વિચાર કરવામાં આવી રહ્યો છે.
મહાકુંભ ૨૦૨૫ માં આવનારા ભક્તોની ભારે ભીડને ધ્યાનમાં રાખીને, ઉત્તર મધ્ય રેલ્વેએ પ્રયાગરાજ જંકશન સ્ટેશન પર આગામી આદેશ સુધી એક દિશા ટ્રાફિકની વ્યવસ્થા અમલમાં મૂકી છે. ઉત્તર મધ્ય રેલ્વેના વરિષ્ઠ જનસંપર્ક અધિકારી અમિત માલવિયાએ આ માહિતી આપી. મુસાફરોની સલામતી અને સુવિધા માટે, ફક્ત શહેર બાજુ (પ્લેટફોર્મ નંબર ૧ બાજુ) થી પ્રવેશની મંજૂરી આપવામાં આવશે અને બહાર નીકળવાનો રસ્તો ફક્ત ‘સિવિલ લાઇન્સ’ બાજુથી જ રહેશે. અનરિઝર્વ્ડ ટિકિટ ધરાવતા મુસાફરોને દિશા મુજબ પેસેન્જર આશ્રયસ્થાનમાંથી પ્રવેશ આપવામાં આવશે. ટિકિટ વ્યવસ્થા પેસેન્જર આશ્રયસ્થાનો પર અનરિઝર્વ્ડ ટિકિટ કાઉન્ટર, એટીવીએમ અને મોબાઇલ ટિકિટિંગના રૂપમાં હશે.
તેવી જ રીતે, આરક્ષિત ટિકિટ ધરાવતા મુસાફરોને ગેટ નંબર પાંચથી પ્રવેશ આપવામાં આવશે અને તેમને ટ્રેનના આગમનના અડધા કલાક પહેલા પ્લેટફોર્મ પર જવા દેવામાં આવશે.
