બસપા સુપ્રીમો માયાવતીએ પાર્ટી કાર્યકરોને સંદેશ આપ્યો છે કે કાર્યકરોએ તે નેતાઓને પૂર્ણ સન્માન આપવું જાઈએ જેમને પહેલા પાર્ટીમાંથી હાંકી કાઢવામાં આવ્યા હતા અને પછી પાર્ટીના હિતમાં પાછા લેવામાં આવ્યા હતા. તેમણે બસપા નેતા આકાશ આનંદનું મનોબળ વધારવા માટે પણ સૂચનાઓ આપી છે.
તેમણે ટ્વીટર પર કહ્યું કે એ વાત જાણીતી છે કે બસપા સાથે જાડાયેલા કેટલાક લોકો પોતાની અજ્ઞાનતા, ઉત્સાહ અને બેદરકારીને કારણે અથવા વિરોધી પક્ષોના કાવતરાથી પ્રભાવિત થઈને ઘણી ભૂલો કરે છે, જેમને પછી પાર્ટીની જવાબદારીમાંથી દૂર કરવા પડે છે અને ગંભીર કિસ્સાઓમાં પાર્ટીના હિતમાં તેમને સુધારવા માટે હાંકી કાઢવા પડે છે અને તેમાંથી કેટલાક બદલાઈ જાય છે અને માફી માંગે છે, તેમને પાર્ટી અને આંદોલનના હિતમાં પાછા લેવા પડે છે અને જ્યારથી પાર્ટી બની છે, ત્યારથી આવું કરવામાં આવ્યું છે અને તેમને ઘણી વખત પાર્ટીમાંથી હાંકી કાઢવામાં આવ્યા છે અને પાછા લેવામાં આવ્યા પણ છે. આવું અન્ય પક્ષોમાં પણ થાય છે. પરંતુ આકાશ આનંદના કિસ્સામાં, ખાસ કરીને બહુજન સમાજના કેટલાક સ્વાર્થી અને વેચાતાં લોકો, જેમણે પક્ષના મતોને વિભાજીત કરવા અને નબળા પાડવા માટે પોતાના અનેક પક્ષો અને સંગઠનો બનાવ્યા છે, તેઓ દરરોજ મીડિયામાં આ વિશે ખોટો પ્રચાર ફેલાવતા રહે છે.
પાર્ટીના સભ્યોએ આવા તકવાદી અને સ્વાર્થી તત્વોથી સાવધ રહેવું જાઈએ અને આકાશ આનંદને પણ પ્રોત્સાહિત કરવા જાઈએ જેથી તે પૂરા દિલથી પાર્ટીના કાર્યમાં જાડાઈ શકે. તેવી જ રીતે, પાર્ટીમાં પાછા લેવામાં આવેલા અન્ય તમામ લોકોને પણ સંપૂર્ણ માન અને સન્માન આપવું જાઈએ, જે પાર્ટીના હિતમાં છે.
