કર્ણાટક હાઈકોર્ટે એન્ફોર્સમેન્ટ ડિરેક્ટોરેટ (ઈડી) ને મૈસુરુ અર્બન ડેવલપમેન્ટ ઓથોરિટી પ્લોટ ફાળવણી કેસમાં ભૂતપૂર્વ મુડા કમિશનર ડીબી નટેશ સિવાયના તમામ આરોપીઓની તપાસ કરવાની મંજૂરી આપી હતી. આ કારણે, આ કેસના આરોપી સીએમ સિદ્ધારમૈયાની મુશ્કેલીઓ વધી શકે છે. ચીફ જસ્ટિસ એનવી અંજારિયા અને જસ્ટિસ કેવી અરવિંદની ડિવિઝન બેન્ચે ચુકાદો આપ્યો કે ઈડીને કાયદા મુજબ અન્ય આરોપીઓ સામે તપાસ આગળ વધારવાનો અધિકાર છે. ઈડી એ ડિવિઝન બેન્ચનો સંપર્ક કરીને નટેશને જારી કરાયેલા સમન્સને રદ કરવાના સિંગલ જજ બેન્ચના આદેશ પર સ્ટે માંગ્યો હતો.
કોર્ટે કહ્યું કે પીએમએલ એક્ટ હેઠળની તપાસમાં કોઈ અવરોધ કે રોક નહીં આવે. વિદ્વાન સિંગલ જજના ચુકાદા અને આદેશ છતાં, તપાસ અધિકારી, એન્ફોર્સમેન્ટ ડિરેક્ટોરેટને કેસની તપાસ કરવાની પરવાનગી છે. લોકાયુક્તની સાથે, ઈડી મુડી સાઇટ ફાળવણી કેસની પણ તપાસ કરી રહી છે, જેમાં મુખ્યમંત્રી સિદ્ધારમૈયા, તેમની પત્ની પાર્વતી બીએમ, તેમના ભાઈ મલ્લીકાર્જુન સ્વામી અને જમીન વેચનાર દેવરાજુ આરોપી છે.
મુડા પર આરોપ છે કે તેમણે ૨૦૨૨ માં મૈસુરના કસાબા હોબલીના કસારે ગામમાં ૩.૧૬ એકર જમીનના બદલામાં સિદ્ધારમૈયાની પત્ની પાર્વતીને મૈસુરના એક પોશ વિસ્તારમાં પ્લોટ ફાળવ્યો હતો. તેમની કિંમત પાર્વતીની જમીન કરતાં ઘણી વધારે હતી.
