(એ.આર.એલ),નવીદિલ્હી,તા.૧૩
બાબા સિદ્દીકી મહારાષ્ટના રાજકારણમાં એક મોટું નામ હતું. બાબા સિદ્દીકી લગભગ ૪૮ વર્ષ સુધી કોંગ્રેસમાં રહ્યા. આ પછી, આ વર્ષે ફેબ્રુઆરીમાં તેઓ કોંગ્રેસ છોડીને અજિત પવારના જૂથની એનસીપીમાં જાડાયા હતા. બાબા સિદ્દીકીની હત્યા પર રાહુલ ગાંધીની પ્રતિક્રિયા સામે આવી છે. રાહુલ ગાંધીએ સોશિયલ મીડિયા પ્લેટફોર્મ પર પોસ્ટ કર્યું આ મુશ્કેલ સમયમાં મારી સંવેદના તેમના પરિવાર સાથે છે.આ સાથે કોંગ્રેસ નેતા રાહુલ ગાંધીએ મહારાષ્ટની કાયદો અને વ્યવસ્થાની સ્થતિ પર સવાલો ઉઠાવ્યા છે. તેમણે કહ્યું કે મહારાષ્ટમાં કાયદો અને વ્યવસ્થા કથળી રહી છે. બાબા સિદ્દીકીની હત્યાની જવાબદારી મહારાષ્ટ સરકારે લેવી જાઈએ.એનસીપીના વરિષ્ઠ નેતા બાબા સિદ્દીકીની બાંદ્રા વિસ્તારમાં ત્રણ હુમલાખોરોએ ગોળી મારીને હત્યા કરી હતી. જ્યારે તેનો પુત્ર ઝીશાન સિદ્દીકી બાંદ્રામાં તેની ઓફિસમાંથી બહાર આવી રહ્યો હતો ત્યારે ત્રણ માસ્ક પહેરેલા હુમલાખોરોએ તેના પર ગોળીબાર શરૂ કર્યો હતો. આ ઘટનામાં બે ગોળી સિદ્દીકીના પેટમાં અને એક છાતીમાં વાગી હતી. એક ગોળી સિદ્દીકીની સાથે હાજર વ્યક્તના પગમાં વાગી હતી, જ્યારે બે ગોળી સિદ્દીકીની કારને પણ વાગી હતી.આ પછી બાબા સિદ્દીકીને તાત્કાલિક લીલાવતી હોસ્પટલમાં દાખલ કરવામાં આવ્યા હતા, જ્યાં સારવાર દરમિયાન તેમનું મૃત્યુ થયું હતું. બાબા સિદ્દીકીના મૃતદેહને પોસ્ટમોર્ટમ માટે લીલાવતી હોસ્પટલથી કૂપર હોસ્પટલમાં લાવવામાં આવ્યો છે.આ કેસમાં ધરપકડ કરાયેલા બે આરોપીઓમાંથી એક કરનૈલ સિંહ છે જે હરિયાણાનો રહેવાસી છે. બીજા છે ધર્મરાજ કશ્યપ જે ઉત્તર પ્રદેશનો રહેવાસી છે. મુંબઈ ક્રાઈમ બ્રાન્ચની ટીમે આખી રાત આ બંને હુમલાખોરોની પૂછપરછ કરી હતી. ટીમે ઘટના સ્થળે પહોંચીને પુરાવા એકત્ર કર્યા છે. પોલીસે અત્યાર સુધીમાં ગોળીબારમાં બે શકમંદોની અટકાયત કરી છે. આખી રાત પૂછપરછ ચાલુ રહી જ્યારે ત્રીજા હુમલાખોરની શોધ ચાલુ છે.
