મેકસીકોની ધરતી ભૂકંપના તીવ્ર આંચકાથી હચમચી ઉઠી હતી. આજે સવારે દક્ષિણપશ્ચિમ મેકસીકોમાં ૬.૨ ની તીવ્રતાનો ભૂકંપ આવ્યો. ભૂકંપથી કોઈ ગંભીર નુકસાન કે જાનહાનિ થઈ નથી. ‘અમેરિકન જીઓલોજિકલ સર્વે’ એ આ માહિતી આપી.
યુએસ ભૂસ્તરશાસ્ત્રીય સર્વેક્ષણે જણાવ્યું હતું કે ભૂકંપનું કેન્દ્રબિંદુ એકવીલાથી ૨૧ કિલોમીટર દક્ષિણપૂર્વમાં, કોલિમા અને મિચોઆકન રાજ્યોની સરહદ નજીક, ૩૪ કિલોમીટરની ઊંડાઈએ હતું. મેક્સીકન રાષ્ટ્રપતિ ક્લાઉડિયા સીનબૌમે સોશિયલ મીડિયા પ્લેટફોર્મ ‘ઠ’ પર જણાવ્યું હતું કે ભૂકંપ પછી કટોકટી પ્રતિભાવ ટીમોએ તેમના પ્રોટોકોલની સમીક્ષા કરી હતી. “કોઈ નવી ઘટના બની નથી,” તેમણે લખ્યું.
મેકસીકોની સામાજિક સુરક્ષા સંસ્થાએ જણાવ્યું હતું કે રાજધાની મેકસીકો સિટીમાં કોઈ નુકસાનના અહેવાલ નથી. મેકસીકોની રાષ્ટ્રીય ભૂકંપશાસ્ત્રય સેવાએ જણાવ્યું હતું કે રવિવારે સ્થાનિક સમય મુજબ સવારે ૯ વાગ્યા સુધીમાં ૩૨૯ આફ્ટરશોક અનુભવાયા હતા. તેમણે કહ્યું કે ભૂકંપની તીવ્રતા ૬.૧ હતી.
