બાંગ્લાદેશમાં મોહમ્મદ યુનુસ સરકારના હવે ગણતરીના દિવસો જ બાકી છે. અમેરિકાના સમર્થનથી બનેલી આ સરકારનું ભવિષ્ય ડોનાલ્ડ ટ્રમ્પના યુએસ રાષ્ટÙપતિ તરીકે શપથ લીધાના ૧૫ દિવસ પછી નક્કી થઈ શકે છે. ટ્રમ્પ વહીવટીતંત્રે બાંગ્લાદેશ નેશનાલિસ્ટ પાર્ટીના વરિષ્ઠ નેતા અને બેગમ ખાલિદા ઝિયાના પુત્ર તારિક રહેમાનને વોશિંગ્ટન આમંત્રણ આપવાનો નિર્ણય લીધો છે, જે બાંગ્લાદેશમાં રાજકીય પરિવર્તનનો સંકેત આપે છે.
ટ્રમ્પ વહીવટીતંત્રે આવતા મહિને ૫-૬ ફેબ્રુઆરી, ૨૦૨૫ના રોજ વોશિંગ્ટન ડીસીમાં યોજાનારી નેશનલ બ્રેકફાસ્ટ પ્રેયર્સમાં બીએનપી નેતાઓને પણ આમંત્રણ આપ્યું છે. આ સમાચાર આવતાની સાથે જ બાંગ્લાદેશની વર્તમાન યુનુસ સરકારમાં અરાજકતા ફેલાઈ ગઈ છે. મોહમ્મદ યુનુસને અમેરિકી રાષ્ટ્રપતિ જા બાઈડેન અને પૂર્વ રાષ્ટ્રપતિ બિલ ક્લીનન્ટનના નજીકના માનવામાં આવે છે. ગયા વર્ષે ક્લીનન્ટન ફાઉન્ડેશનના એક કાર્યક્રમમાં હાજરી આપીને તેમણે જાહેરમાં પોતાના સંબંધનો સ્વીકાર કર્યો હતો.
ડોનાલ્ડ ટ્રમ્પ અને તેમની ટીમ મોહમ્મદ યુનુસને બાઈડેન સમર્થિત નેતા માને છે અને તેમની સરકારને હટાવવા માટે વિકલ્પ શોધી રહ્યા છે. વોશિંગ્ટનમાં ટ્રમ્પ વહીવટીતંત્ર સાથે બીએનપી નેતાઓની બેઠક બાદ એવી શક્યતા વધુ મજબૂત બની છે કે અમેરિકા બાંગ્લાદેશમાં વહેલી ચૂંટણી કરાવવા માટે દબાણ લાવશે.
૫ ઓગસ્ટ, ૨૦૨૪ના રોજ શેખ હસીના દેશ છોડીને ગયા ત્યારથી મોહમ્મદ યુનુસ સત્તામાં છે. ત્યારથી તેઓ ચૂંટણી મુલતવી રાખવા માટે સતત વિવિધ બહાના બનાવી રહ્યા છે. દરમિયાન યુનુસ સરકારે હિન્દુ લઘુમતીઓ સામે હિંસા ભડકાવવા અને ઘરેલું અસંતોષ અને આર્થિક નિષ્ફળતાઓ પરથી ધ્યાન હટાવવા માટે ભારત વિરોધી લાગણીઓ ભડકાવવા માટે કટ્ટરપંથી તત્વોને ઉશ્કેરવાનો માર્ગ પસંદ કર્યો છે.
ડોનાલ્ડ ટ્રમ્પ અને તેમની ટીમ સાથે બીએનપી નેતાઓની મુલાકાત બાદ અમેરિકા બાંગ્લાદેશમાં લોકશાહી પ્રક્રિયાની પુનઃસ્થાપના માટે દબાણ લાવી શકે છે. જા ચૂંટણીઓ યોજાય તો યુનુસ સરકારનું પતન નિશ્ચિત માનવામાં આવે છે.
મોહમ્મદ યુનુસ સરકારની નીતિઓને કારણે ભારત અને બાંગ્લાદેશ વચ્ચેના સંબંધો હવે તણાવપૂર્ણ બન્યા છે. એક સમયે બંને દેશો વચ્ચેની મિત્રતા વિશ્વ માટે એક ઉદાહરણ હતી, પરંતુ હવે પરિÂસ્થતિ સંપૂર્ણપણે બદલાઈ ગઈ છે. ભારત અને બાંગ્લાદેશે એકબીજાના રાજદ્વારીઓને બોલાવ્યા અને સરહદ વિવાદ અને બીએસએફની કાર્યવાહી પર સખત વિરોધ નોંધાવ્યો.
સૂત્રોના જણાવ્યા અનુસાર, બાંગ્લાદેશ બોર્ડર ગાર્ડ ભારતીય સરહદ પર ઉશ્કેરણીજનક પ્રવૃત્તિઓને પ્રોત્સાહન આપી રહ્યું છે. ગેરકાયદેસર ઘૂસણખોરીથી લઈને સરહદ પર વાડ બનાવવામાં અવરોધ અને મ્જીહ્લ જવાનો સાથે અથડામણ આ બધું સરકારના ઈશારે થઈ રહ્યું છે. યુનુસ સરકાર ઇચ્છે છે કે ભારતીય સુરક્ષા દળો બાંગ્લાદેશી નાગરિકો સામે કડક કાર્યવાહી કરે જેથી આંતરરાષ્ટÙીય મંચ પર ભારતને બદનામ કરી શકાય.
