(એ.આર.એલ),મોસ્કો,તા.૨૫
જાપાન અને રશિયા વચ્ચે હવે તણાવ વધી ગયો છે. અહેવાલ છે કે રશિયાએ જાપાનના ૧૨ હાઈપ્રોફાઈલ બિઝનેસમેન પર પ્રતિબંધો લગાવ્યા છે. આ પ્રતિબંધને રશિયન જાપાન સંબંધો સાથે જાડીને જાવામાં આવી રહ્યો છે, કારણ કે આ સમયે જાપાન યુક્રેનનું મોટું મદદગાર બનીને ઉભરી આવ્યું છે. અંગ્રેજી વેબસાઈટ ફર્સ્ટપોસ્ટ અનુસાર, રશિયાએ ટોયોટા ચીફ સહિત ૧૨ હાઈપ્રોફાઈલ બિઝનેસમેનને રશિયામાં પ્રવેશવા પર પ્રતિબંધ મૂક્યો છે. આ પ્રતિબંધ કાર મેન્યુફેક્ચરિંગ કંપની ટોયોટાના ચેરમેન અકિયો અને અન્ય ૧૧ બિઝનેસ લીડર્સ પર લગાવવામાં આવ્યો છે. રશિયાની આ કાર્યવાહીને જાપાનના તાજેતરના નિર્ણય તરીકે જાવામાં આવી રહી છે. જા કે જાપાને પણ આ યાદીનો વિરોધ કર્યો હતો, પરંતુ રશિયાના વિદેશ મંત્રાલયે આ યાદી જાહેર કરી છે.
જાપાન વિરુદ્ધ આ કાર્યવાહી યુક્રેનને લઈને કરવામાં આવી છે, કારણ કે જાપાન યુક્રેનના મોટા સાથી તરીકે ઉભરી આવ્યું છે. આ કારણે રશિયા અને જાપાન વચ્ચેના સંબંધો બગડ્યા છે. રશિયાના વિદેશ મંત્રાલય દ્વારા જાહેર કરવામાં આવેલી યાદીમાં ટોયોટાના ચેરમેન અકિયો, રાકુટેન ચીફ હિરોશી મિકિતાની અને જાપાન ઈન્ટરનેશનલ કોઓપરેશન એજન્સીના અધ્યક્ષ અકિહિકો તનાકાના નામો મુખ્ય રીતે સામેલ છે. વાસ્તવમાં, યુક્રેનમાં યુદ્ધને કારણે રશિયા પર પ્રતિબંધો લાદવા માટે જાપાને ૭ દેશોના જૂથ સાથે જાડાણ કર્યું હતું. આ પણ એક કારણ માનવામાં આવે છે.
રિપોર્ટ અનુસાર, રશિયાના વિદેશ મંત્રાલયનો આ નિર્ણય સ્પેશિયલ મિલિટરી ઓપરેશનને લઈને જાપાનના પ્રતિબંધોના જવાબમાં છે. જા કે, મંત્રાલયે એ સમજાવ્યું નથી કે કોની પસંદગી કરવામાં આવી હતી, શા માટે તે આવું હતું અને શા માટે મિત્સુબિશી, હોન્ડા અને સોની જેવી મોટી કંપનીઓના વડાઓને તેમાં સામેલ કરવામાં આવ્યા ન હતા. હાલમાં આ સમાચારની ચર્ચા આખી દુનિયામાં થઈ રહી છે.
