રાજુલામાં ટેકાના ભાવે સિંગની ખરીદીમાં બારદાનના અભાવને કારણે ખેડૂતો મુશ્કેલીમાં મુકાયા છે. જિલ્લાના ૧૧ ખરીદ કેન્દ્રોમાં પૂરતા પ્રમાણમાં બારદાન ન હોવાથી માત્ર ૧૧ ખેડૂતોની મગફળીની ખરીદી થઈ શકી છે. જ્યારે અન્ય કેન્દ્રોમાં હજારોની સંખ્યામાં બારદાન પડેલા છે. આ અંગે ખેડૂતોમાં ભારે રોષ જોવા મળી રહ્યો છે. ગુજરાત સરકાર દ્વારા ખેડૂતો પાસેથી ટેકાના ભાવે સિંગની ખરીદી કરવા માટે ત્રણ મહિનાની મુદ્દત નક્કી કરવામાં આવી છે. પરંતુ રાજુલામાં ગુજકોમાસોલ દ્વારા ચાલતા ખરીદ કેન્દ્રોમાં બારદાનની અછતના કારણે ખરીદી પ્રક્રિયા ધીમી ગતિએ ચાલી રહી છે. ૨૬૦૦ જેટલા ખેડૂતોએ નોંધણી કરાવી છે પરંતુ માત્ર ૫૦૦ ખેડૂતોની મગફળીની જ ખરીદી થઈ શકી છે. ખેડૂતોનું કહેવું છે કે, અમરેલી જિલ્લાના અન્ય કેન્દ્રોમાં પૂરતા પ્રમાણમાં બારદાન ઉપલબ્ધ છે પરંતુ રાજુલામાં જાણી જોઈને બારદાનનો જથ્થો ઓછો રાખવામાં આવી રહ્યો છે. ખેડૂતોએ જણાવ્યું કે, ગત વર્ષે રાજુલામાં ૪૨ ખેડૂતો પાસેથી સિંગની ખરીદી કરવામાં આવી હતી અને કર્મચારીઓ રાત્રે પણ કામ કરતા હતા. પરંતુ આ વર્ષે બારદાનના અભાવને કારણે ખરીદી પ્રક્રિયા ધીમી ગતિએ ચાલી રહી છે. ખેડૂતોની આ સમસ્યા અંગે ગુજકોમાસોલના અધિકારીઓને પૂછવામાં આવ્યું તો તેમણે કહ્યું કે, કલકત્તાથી બારદાનની ગાડીઓ આવી રહી નથી. પરંતુ ખેડૂતોએ જણાવ્યું કે, સાવરકુંડલા સંઘમાં હજારોની સંખ્યામાં બારદાન પડેલા છે. આમ, ગુજકોમાસોલના અધિકારીઓ દ્વારા ખેડૂતો સાથે અન્યાય કરવામાં આવી રહ્યો છે. ખેડૂતોની માંગ છે કે, સરકાર અને નાફેડ દ્વારા રાજુલામાં બારદાનનો પૂરતો જથ્થો ફાળવવામાં આવે જેથી ખેડૂતોની સિંગ સમયસર વેચાઈ શકે અને તેમને નુકસાન ન થાય છે.
