લીલીયા મોટા ખાતે સાંસદ ભરતભાઈ સુતરીયાએ મુલાકાત લીધી હતી. આ મુલાકાત દરમિયાન તેમણે ગટર કામની ચકાસણી કરી અને બ્લોક રોડનું ભૂમિપૂજન કર્યું હતું. સાંસદે માથાના દુઃખાવા સમાન ગટર પ્રશ્નનું સ્થળ નિરીક્ષણ કર્યું હતું. તેમણે ગોકળગાયની ગતિએ ચાલતા ગટર કામને લઈને કાર્યપાલક ચૌધરીને કડક ભાષામાં સૂચના આપી હતી. ત્યારબાદ સિવિલ હોસ્પિટલ જવાના માર્ગે ફાટક નંબર ૪૧ ઝ્ર થી ૪૨ ઝ્ર વચ્ચે આવેલ ફાટકના કારણે અવારનવાર સિવિલ હોસ્પિટલ જતા ઈમરજન્સી કેસમાં ઘણી તકલીફોનો સામનો કરવો પડે છે જેને લઈને અંડર ગ્રાઉન્ડ બ્રિજની સરપંચ જીવનભાઈ વોરા દ્વારા માંગ કરાતા સાંસદે સ્થળ મુલાકાત લઈ સર્વે કરવાની ખાતરી આપેલ. સાંસદે ડો. બાબા સાહેબ આંબેડકર હોલ ખાતે પાણીના સમ્પ તથા ત્યાં ચાલતા પેવર બ્લોક કામની મુલાકાત કરી હતી. દલિત સમાજને સારી વાડીની વ્યવસ્થા તથા પાણીની વ્યવસ્થા, કમ્પાઉન્ડ વોલ સાથે પેવર બ્લોક સહિતની કામગીરીથી પ્રભાવિત થઈ સાંસદની ઉપસ્થિતિમાં દલિત સમાજના આગેવાનો દ્વારા લીલીયાના સરપંચ જીવનભાઈ વોરાનો આ તકે આભાર માનવામાં આવેલ. ત્યારબાદ સાંસદે લીલીયા મોટા ખાતે આવેલ ગોપાલ ગૌશાળાની મુલાકાત
આભાર – નિહારીકા રવિયા લીધી હતી. ગૌશાળા પરિવારે સાંસદનું સન્માન કર્યું હતું અને ગૌશાળાની વિવિધ સેવાઓથી તેમને અવગત કર્યા હતા. સાંસદના વરદ હસ્તે ગૌશાળા ખાતે પેવર બ્લોક રોડનું ભૂમિપૂજન કરવામાં આવ્યું હતું.
