દિલ્હીની ચૂંટણી દરમિયાન, બધા પક્ષોએ જે એક મતબેંક પર સૌથી વધુ ધ્યાન કેન્દ્રિત કર્યું તે મહિલા મતબેંક હતી. શાંત મતદારોને જીતવા માટે, પક્ષોએ તેમના માટે ઘણી યોજનાઓ શરૂ કરવાનું વચન આપ્યું હતું અને તેમાંથી એક વચન એ હતું કે મહિલાઓને દર મહિને નાણાકીય સહાય આપવામાં આવશે.
જ્યાં આમ આદમી પાર્ટીએ મહિલાઓને ૨૧૦૦ રૂપિયા આપવાનું વચન આપ્યું હતું. તે જ સમયે, સત્તામાં રહેલી ભાજપ પાર્ટીએ પણ ૨૫૦૦ રૂપિયા આપવાનું વચન આપ્યું હતું. જીત્યા બાદ, સીએમ રેખા ગુપ્તાએ જાહેરાત કરી હતી કે સહાયનો પહેલો હપ્તો ૮ માર્ચ, આંતરરાષ્ટ્રિય મહિલા દિવસના રોજ મહિલાઓના ખાતામાં જમા કરવામાં આવશે, પરંતુ હવે ભૂતપૂર્વ સીએમ આતિશીએ આ યોજનાને લઈને ભાજપને ઘેરી લીધો છે. આતિશીએ પાર્ટીને એમ પણ પૂછ્યું છે કે મહિલાઓના ખાતામાં પૈસા ક્યારે આવશે.
પૂર્વ સીએમ આતિશીએ ભાજપ પર પ્રહાર કરતા કહ્યું કે, આજે ૨૦ માર્ચ છે, દિલ્હીમાં ભાજપ સરકારને સત્તામાં આવ્યાને એક મહિનો થઈ ગયો છે, પરંતુ એક મહિનો થવા છતાં, ભાજપ અને વડા પ્રધાન દ્વારા દિલ્હીની દરેક મહિલાના ખાતામાં ૨૫૦૦ રૂપિયા જમા કરાવવાનું વચન પૂર્ણ થયું નથી.
આપ નેતા આતિશીએ કહ્યું કે, વડાપ્રધાન મોદીએ કહ્યું હતું કે પહેલી કેબિનેટ બેઠકમાં નિર્ણય લેવામાં આવશે અને ૮ માર્ચે મહિલાઓના ખાતામાં ૨૫૦૦ રૂપિયા જમા કરવામાં આવશે, પરંતુ આ વચન ખોટું નીકળ્યું. પૈસાની વાત તો ભૂલી જાઓ, નોંધણી પણ થઈ નથી. તેમણે ફક્ત ખોટું વચન આપ્યું કે ૪ મંત્રીઓની સમિતિ નિર્ણય લેશે.
પૂર્વ સીએમ આતિશીએ મહિલા સમૃદ્ધિ યોજના અંગે ભાજપને ૪ પ્રશ્નો પૂછ્યા.
શું ભાજપ દિલ્હીની દરેક મહિલાને ૨૫૦૦ રૂપિયા આપશે કે પછી એટલી બધી શરતો લાદશે કે ૧% મહિલાઓને પણ પૈસા નહીં મળે? ૪૮ લાખ મહિલાઓને પૈસા મળશે કે નહીં? મોદીજીએ બધી મહિલાઓને એક વચન આપ્યું હતું.
સમિતિની રચનાને ૧૨ દિવસ થઈ ગયા છે પણ કોઈ નિર્ણય લેવામાં આવ્યો નથી, ભાજપ પાસે અરવિંદ કેજરીવાલને ગાળો આપવાનો સમય છે.
૨૫૦૦ રૂપિયામાં નોંધણી ક્્યારે શરૂ થશે? મહિલાઓના ખાતામાં ૨૫૦૦ રૂપિયા ક્્યારે આવશે? દિલ્હીની બધી મહિલાઓ આ ૪ પ્રશ્નોના જવાબ માંગી રહી છે.
શપથ ગ્રહણ સમારોહ પછી સીએમ રેખા ગુપ્તાએ જાહેરાત કરી હતી કે ૮ માર્ચે આંતરરાષ્ટÙીય મહિલા દિવસ નિમિત્તે મહિલાઓના ખાતામાં ૨૫૦૦ રૂપિયાનો પહેલો હપ્તો જમા કરવામાં આવશે. જાકે, ૮ માર્ચે, સીએમ રેખા ગુપ્તાએ આ યોજના વિશે વધુ માહિતી જાહેર કરી. મુખ્યમંત્રીએ કહ્યું હતું કે પાર્ટી આ વચન પૂર્ણ કરશે. દિલ્હી કેબિનેટે આ યોજનાને મંજૂરી આપી દીધી છે. જે હેઠળ આર્થિક રીતે નબળા વર્ગની મહિલાઓને દર મહિને ૨,૫૦૦ રૂપિયાનું ભથ્થું મળશે.
આ દરમિયાન મુખ્યમંત્રીએ એમ પણ જણાવ્યું કે આ વર્ષે આ યોજના માટે ૫૧૦૦ કરોડ રૂપિયા ફાળવવામાં આવ્યા છે. એક સમિતિની પણ રચના કરવામાં આવી છે. આ સમિતિમાં મંત્રી પ્રવેશ વર્મા અને મંત્રી કપિલ મિશ્રા રહેશે. મુખ્યમંત્રીએ માહિતી આપી હતી કે એક પોર્ટલ બનાવવામાં આવશે. બીપીએલ કાર્ડ ધરાવતી મહિલાઓને આ યોજનાનો લાભ મળશે.
