કેનેડાની શાસક લિબરલ પાર્ટીએ બેંક ઓફ કેનેડાના ભૂતપૂર્વ વડા માર્ક કાર્નેને પોતાના નેતા તરીકે ચૂંટ્યા છે અને હવે તેઓ દેશના નવા વડા પ્રધાન બનશે. કાર્ની (૫૯) જસ્ટીન ટૂડોનું સ્થાન લેશે, જેમણે જાન્યુઆરીમાં પદ પરથી રાજીનામું આપવાની જાહેરાત કરી હતી. માર્ક કાર્નીના રાજ્યાભિષેક પહેલા, જસ્ટીન ટૂડો ને સત્તાવાર રીતે વિદાય આપવા માટે લિબરલ પાર્ટીનું સંમેલન યોજાયું હતું. ટૂડોએ સંમેલનમાં કંઈક એવું કર્યું જેની તસવીર સોશિયલ મીડિયા પર વાયરલ થઈ રહી છે.
સોશિયલ મીડિયા પર વાયરલ થઈ રહેલી તસવીરમાં જસ્ટીન ટૂડો ખુરશી પકડીને ચાલતા જાઈ શકાય છે. આ સમય દરમિયાન, તે કેમેરા જોઈને પણ ઉત્સાહિત દેખાય છે. તેમણે પોતાની હાઉસ ઓફ કોમન્સની ખુરશી હાથમાં પકડી છે અને તેને ઉંચકીને હસતા જાવા મળે છે. સંમેલનમાં જસ્ટીન ટૂડો કેનેડાના નવા વડા પ્રધાન માર્ક કાર્નીને પણ મળ્યા હતા. આ દરમિયાન તેમણે કહ્યું કે કેનેડામાં સત્તાનું ઔપચારિક હસ્તાંતરણ ટૂંક સમયમાં થશે. જસ્ટીન ટૂડો એ સંમેલનમાં લિબરલ પાર્ટીની સિદ્ધિઓ વિશે પણ વાત કરી. પોતાના સંબોધનમાં તેમણે કહ્યું, “મધ્યમ વર્ગ અને તેના મહેનતુ લોકો માટે અમે છેલ્લા ૧૦ વર્ષમાં જે કર્યું છે તેના પર મને ગર્વ છે.”
