વૈભવ આઈપીએલમાં સૌથી ઝડપી સદી ફટકારનાર ભારતીય બેટ્સમેન બન્યો
૨૦૨૫ ની ૪૭મી મેચમાં, રાજસ્થાન રોયલ્સે ૧૪ વર્ષના વૈભવ સૂર્યવંશીની કરિશ્માઈ સદીની મદદથી ગુજરાત ટાઇટન્સને ૮ વિકેટથી હરાવ્યું. રાજસ્થાન માટે વૈભવ સૂર્યવંશીએ ૩૫ બોલમાં સદી ફટકારીને નવો રેકોર્ડ બનાવ્યો. સૂર્યવંશીએ આઇપીએલમાં ૩૫ બોલમાં ૭ ચોગ્ગા અને ૧૧ છગ્ગાની મદદથી સદી ફટકારી હતી. આ રીતે, સૂર્યવંશી આઇપીએલમાં સદી ફટકારનાર સૌથી ઝડપી ભારતીય બેટ્સમેન બન્યા. તેણે યુસુફ પઠાણનો રેકોર્ડ તોડ્યો. પઠાણે આઇપીએલમાં ૩૭ બોલમાં સદી ફટકારવાનું અદ્ભુત કામ કર્યું. વૈભવ સૂર્યવંશીની આ વિસ્ફોટક સદીની મદદથી રાજસ્થાનની ટીમે માત્ર ૧૫.૫ ઓવરમાં ૨૦૦ થી વધુ રનના લક્ષ્યાંકને હાંસલ કરવાની મહાન સિદ્ધિ મેળવી. રાજસ્થાન રોયલ્સ ટીમ હવે આઇપીએલમાં ૨૦૦+ રનનો લક્ષ્યાંક હાંસલ કરનારી સૌથી ઝડપી ટીમ બની ગઈ છે.
પ્રથમ બેટિંગ કરતા ગુજરાતે ૪ વિકેટ ગુમાવીને ૨૦૯ રન બનાવ્યા. જવાબમાં રાજસ્થાનની ટીમ માટે ઓપનર વૈભવ સૂર્યવંશી અને યશસ્વી જયસ્વાલે શાનદાર શરૂઆત કરી હતી. બંનેએ તોફાની બેટિંગ કરી અને માત્ર ૧૦ ઓવરમાં ૧૪૪ રન બનાવ્યા. વૈભવ બીજી ઓવરમાં પોતાની સદી પૂર્ણ કરવામાં સફળ
આભાર – નિહારીકા રવિયા રહ્યો. સૂર્યવંશીએ તેની ૧૦૧ રનની સદીમાં ૧૧ છગ્ગા ફટકાર્યા, જે આઈપીએલ મેચની એક ઇનિંગમાં ભારતીય બેટ્સમેન દ્વારા ફટકારવામાં આવેલા સૌથી વધુ છગ્ગાનો રેકોર્ડ છે. સૂર્યવંશીએ મુરલી વિજયના રેકોર્ડની બરાબરી કરી હતી.
આઇપીએલમાં ૨૦૦ થી વધુ રનના લક્ષ્યનો સૌથી ઝડપી પીછો કરનારી ટીમો
૧૫.૫ ઓવર – રાજસ્થાન રોયલ્સ વિરુદ્ધ ગુજરાત ટાઇટન્સ, જયપુર – ૨૦૨૫
૧૬.૦ ઓવર – આરસીબી વિરુદ્ધ જીટી – અમદાવાદ – ૨૦૨૪
૧૬.૩ ઓવર – એમઆઈ વિરુદ્ધ આરસીબી – મુંબઈ – ૨૦૨૩
૧૭.૩ ઓવર – ડેરડેવિલ્સ વિરુદ્ધ ગુજરાત લાયન્સ – દિલ્હી – ૨૦૧૭
૧૮.૦ ઓવર – એમઆઈ વિરુદ્ધ એસઆરએચ – મુંબઈ – ૨૦૨૩
૧૮.૨ ઓવર – કિંગ્સ ઇલેવન પંજાબ વિરુદ્ધ કેકેઆર – કોલકાતા – ૨૦૧૦
રાજસ્થાનની ટીમ માત્ર આઇપીએલમાં જ નહીં પરંતુ ટી ૨૦ ક્રિકેટમાં પણ ૨૦૦+ રનના લક્ષ્યનો પીછો કરનારી સૌથી ઝડપી ટીમ બની ગઈ છે. રાજસ્થાને સરેનો ૭ વર્ષ જૂનો રેકોર્ડ તોડ્યો. ૨૦૧૮ માં, સરેએ મિડલસેક્સ સામે ૧૬ ઓવરમાં ૨૦૦ થી વધુ રનનો લક્ષ્યાંક હાંસલ કર્યો.
ટી ૨૦ ઇતિહાસમાં સૌથી ઝડપી ૨૦૦+ રનનો પીછો કરનારી ટીમો
૧૫.૫ ઓવર – રાજસ્થાન રોયલ્સ વિરુદ્ધ ગુજરાત ટાઇટન્સ, જયપુર, ૨૦૨૫
૧૬.૦ ઓવર – સરે વિરુદ્ધ મિડલસેક્સ, ધ ઓવલ, ૨૦૧૮
૧૬.૦ ઓવર – રોયલ ચેલેન્જર્સ બેંગ્લોર વિરુદ્ધ ગુજરાત ટાઇટન્સ, અમદાવાદ, ૨૦૨૪
૧૬.૦ ઓવર – પાકિસ્તાન વિરુદ્ધ ન્યુઝીલેન્ડ, ઓકલેન્ડ, ૨૦૧૫
આઇપીએલમાં એક ઇનિંગમાં સૌથી વધુ છગ્ગા મારનારા ભારતીયો
૧૧ – મુરલી વિજય વિ આરઆર, ૨૦૧૦
૧૧ – વૈભવ સૂર્યવંશી વિ જીટી, ૨૦૨૫
૧૦ – સંજુ સેમસન વિ આરસીબી, ૨૦૧૮
૧૦ – શ્રેયસ ઐયર વિરુદ્ધ કેકેઆર, ૨૦૧૮
૧૦ – શુભમન ગિલ વિરુદ્ધ એમઆઈ, ૨૦૨૩
૧૦ – અભિષેક શર્મા વિ પીબીકેએસ ૨૦૨૫
જયપુરના સવાઈ માનસિંહ સ્ટેડિયમમાં રમાયેલી આ મેચમાં યજમાન રાજસ્થાન રોયલ્સે ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટિંગ કરતા ગુજરાત ટાઇટન્સે ૨૦ ઓવરમાં ૪ વિકેટ ગુમાવીને ૨૦૯ રન બનાવ્યા. ગુજરાત માટે કેપ્ટન શુભમન ગિલે ૫૦ બોલમાં ૮૪ રનની ઇનિંગ રમી. તે જ સમયે, જાસ બટલરે ૨૬ બોલમાં ૫૦ રનની અણનમ ઇનિંગ રમી. રાજસ્થાન તરફથી મહેશ તિક્ષનાએ ૨ વિકેટ ઝડપી હતી.
